პოლიტიკა

ევროკავშირი საქართველოს სოფლის მეურნეობის განვითარებისთვის 12 მილიონი ევროს გამოჰყოფს

გარემოს დაცვისა და სოფლის მეურნეობის მინისტრი ლევან დავითაშვილი და გაეროს სურსათისა და სოფლის მეურნეობის ორგანიზაციის (FAO) წარმომადგენელი საქართველოში რაიმუნდ იელე ევროკავშირის დაფინანსებული 12 მილიონიანი პროექტის შეთანხმებას მოაწერენ ხელს.

პროექტის მიზანია საქართველოში სოფლის მეურნეობის განვითარება და ხელშეწყობა, რაც განხორციელდება სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მესამე ეტაპის ფარგლებში პროექტის ფარგლებში დაგეგმილია სხვადასხვა სახის საპილოტე სასოფლო-სამეურნეო პროგრამა, მათ შორის, განხორციელდება გრანტების გაცემა ფერმერების, კოოპერატივებისა და მცირე და საშუალო ბიზნესისთვის.

ევროკავშირი მხარს უჭერს სოფლის მეურნეობისა და სოფლის განვითარებას საქართველოში ENPARD-ის პროგრამის დახმარებით. პროგრამის მთლიანი ბიუჯეტი 179.5 მილიონი ევროა და ის 2013 წლიდან ხორციელდება.