საზოგადოება

ევროკავშირის წარმომადგენლობაში „ბავშვთა სამყაროს“ მოვაჭრეების საქმეს შეისწავლიან - მოვაჭრეთა ადვოკატი

ევროკავშირის წარმომადგენლობასა და „ბავშვთა სამყაროს“ დაზარალებული მოვაჭრეების შეხვედრა დასრულდა.

მოვაჭრეთა ადვოკატის, მარიამ არევაძის განცხადებით, ევროკავშირის წარმომადგენლობა მოვაჭრეებს საქმის შესახებ დეტალური ინფორმაციის მიწოდება სთხოვა.

„საკითხის სრულად და ამომწურავად შესწავლისა და გაანალიზების შემდეგ გვეტყვიან, დაგვეხმარებიან თუ არა. თუკი დაგვეხმარებიან, რა ფორმით მოახდენენ ხალხის მხარდაჭერას“, - განაცხადა არევაძემ.

დამატებითი დოკუმენტაციის მოთხოვნის გარდა, ევროკავშირის წარმომადგენლობამ მოვაჭრეებს თვის ბოლოს ხელმეორე შეხვედრა დაუნიშნა.

მოვაჭრეები საკრებულოსთან გადაინაცვლნენ, სადაც სავარაუდოდ საკრებულოს თავმჯდომარის მოადგილეს გიორგი ტყემალაძეს შეხვდებიან.

შეგახსენებთ, რომ სავაჭრო ცენტრ „ბავშვთა სამყაროში“ ხანძრის შედეგად დაზარალებულმა მოვაჭრეებმა აქცია გამართეს ევროკავშირის წარმომადგენლობასთან. მათ მოითხოვეს 5000-ლარიანი პირველადი კომპანსაციის გაცემასა და შემდგომ ზარალის სრულად ანაზრაურებას. მათ აქციას ასევე შეუერთდა საქართველოს ადვოკატთა ასოციაციის თავმჯდომარე ზაზა ხატიაშვილი.

სავაჭრო ცენტრ „ბავშვთა სამყაროში“ ხანძარი 30 იანვარს გაჩნდა, რომლის შედეგად 1000-ზე მეტი მოვაჭრე დაზარალდა. გამოძიება ხანძრის გამომწვევ მიზეზებზე ამ დრომდე მიმდინარეობს.

ანა მებურიშვილი