უკან
პოლიტიკა
20 ნოემბერი, 2017 16:20
ევროკავშირმა შენგენის ზონაში შესვლისას ავტორიზაციის შემოღებას მხარი დაუჭირა
ევროსაბჭომ შენგენის ზონაში შესვლისას რეგისტრაციის ახალი სისტემის დანერგვის პროექტს მხარი დაუჭირა.
ამის შესახებ ევროკავშირის საბჭოს ვებ-გვერდზეა ნათქვამი.
ახალი სისტემა გულისხმობს სპეციალურად შექმნილ ვებ-გვერდზე დარეგისტრირებას, პერსონალური მონაცემების შევსებას, მათ შორის სწავლისა და მუშაობის დამადასტურებელი დოკუმენტაციის ატვირთვას.
„შენგენის ზონის ფუნქციონირებისთვის საზღვრებზე ძლიერი კონტროლი მნიშვნელოვან ფაქტორია. ახალი სისტემა ხელს შეუწყობს სასაზაღვრო კონტროლის გაუმჯობესებას, ხელს შეუწყობს იმ პირთა იდენტიფიცირებას, რომლებმაც ქვეყანაში ყოფნის ვადა დაარღვიეს, ასევე ხელს შეუწყობს ტერორიზმთან ბრძოლას“,- განაცხადა ესტონეთის შინაგნ საქმეთა მინისტრმა ანდრეს ანველტმა.
სავარაუდოდ, ახალი სისტემა 2020 წლიდან ამოქმედდება.
მონიკა დავლიანიძე