პოლიტიკა

ევროპარლამენტში საქართველოს აღმასრულებელი ხელისუფლებისა და ევროკავშირის წარმომადგენელებს მოუსმინეს

ევროპარლამენტში ასოცირების საპარლამენტო კომიტეტის მეექვსე სხდომა გაიმართა, რომელიც ასოცირების კომიტეტმა თანათავმჯდომარეების, მათ შორის საქართველოს ევროინტეგრაციის კომიტეტის თავმჯდომარის ხელმძღვანელობით ჩაატარა.

ევროპარლამენტის წევრებმა საქართველოს აღმასრულებელი ხელისუფლებისა და ევროკავშირის წარმომადგენელებს მოუსმინეს.

პარტნიორებმა ასოცირების ხელშეკრულებისა და თავისუფალი სავაჭრო შეთანხმების განხორციელებზე იმსჯელეს, ასევე განიხილეს ქვეყანაში მიმდინარე რეფორმები და საკონსტიტუციო ცვლილებები, მართლმსაჯულების სფეროში არსებული მდგომარეობა, პარლამენტის მუშაობაში ღია მმართველობის პრინციპების დანერგვა.

საქართველოში ადამიანის უფლებათა შესახებ ინფორმაცია ევროპარლამენტარებს სახალხო დამცველმა, ნინო ლომჯარიამ გააცნო. სხდომის დასრულების შემდეგ კი ევროკავშირი-საქართველოს ასოცირების საპარლამენტო კომიტეტმა ერთობლივი განცხადება და რეკომენდაციები მიიღო.