უკან
მსოფლიო
15 აპრილი, 2019 11:35
ევროპის საბჭოში საქართველოს გაწევრიანების ოცი წლისთავის აღსანიშნავად ანსამბლმა რუსთავმა სტრასბურგში კონცერტი გამართა
ქ. სტრასბურგში, წმინდა პიერის ეკლესიაში ევროპის საბჭოსთან საქართველოს მუდმივი წარმომადგენლობის ორგანიზებით გაიმართა ქართული პოლიფონიური ანსამბლ „რუსთავის“ კონცერტი, რომელიც საქართველოს ევროპის საბჭოში გაწევრიანების 20 წლის თავს მიეძღვნა.
სტუმრების წინაშე საკუთარი პროგრამით ასევე წარსდგა მუდმივ წარმომადგენლობასთან არსებული საკვირაო სკოლის მოსწავლეებით დაკომპლექტებული, ქ. სტრასბურგის წმ. ქეთევან-წამებულის გუნდი „სადარისი“. გუნდს მუდმივმა წარმომადგენლობამ საქართველოს საგარეო საქმეთა სამინისტროსგან საჩუქრად ქართული ტრადიციული სამოსი გადასცა.
კონცერტს ესწრებოდნენ ქართული დიასპორის, ქ. სტრასბურგისა და ქ. კელის მერიის წარმომადგენლები. აღსანიშნავია, რომ ანსამბლ რუსთავის კონცერტმა ღონისძიების სტუმრებში განსაკუთრებული მოწონება დაიმსახურა.