უკან

საზოგადოება

15 ნოემბერი, 2018 12:00
font-size

ფემიციდის 9 საქმიდან 8-ში მითითებულია, რომ მოძალადე უმუშევარია, ხოლო 9-დან 5 საქმეში - რომ მოძალადეს აქვს საშუალო განათლება - სახალხო დამცველი

საქართველოს სახალხო დამცველის ორგანიზებითა და „გაეროს ქალთა ორგანიზაციის“ მხარდაჭერით, სასტუმროში „თბილისი მარიოტი“ საერთაშორისო კონფერენცია – „ფემიციდის შემთხვევების მონიტორინგი პრევენციისთვის“ მიმდინარეობს.

კონფერენცია ნინო ლომჯარიამ გახსნა. სახალხო დამცველმა მისასალმებელ გამოსვლაში შინაგან საქმეთა სამინისტროს სტატისტიკურ მონაცემებზე ისაუბრა, რომელიც გასულ წელს დაფიქსირებულ ფემიციდის შემთხვევებს ეხება.

ლომჯარიას განცხადებით, 2017 წელს ფემიციდის 9 შემთხვევა დაფიქსირდა. აქედან აქედან ხუთი შემთხვევა დაკვალიფიცირდა ოჯახის წევრის მკვლელობად, ერთი – ჯანმრთელობის განზრახ მძიმე დაზიანებად, რამაც გარდაცვალება გამოიწვია, ერთი – ოჯახის წევრის თვითმკვლელობამდე მიყვანა, ერთი – ოჯახის წევრის განზრახ მკვლელობად განსაკუთრებული სისასტიკით, ხოლო ერთი – განზრახ მკვლელობა უეცარი, ძლიერი სულიერი აღელვების მდგომარეობაში.

„რაც შეეხება დანაშაულის მოტივს, სასამართლომ მხოლოდ შვიდ საქმეზე გამოჰყო მოტივი. აქედან სამ საქმეზე მთავარ მოტივად ეჭვიანობის ნიადაგზე შურისძიება დადგინდა, დანარჩენ საქმეებზე კი, მოტივად დასახელებულია შურისძიება, განაწყენების ნიადაგზე ეჭვიანობის მოტივი, ეჭვიანობის ნიადაგი, სიტყვიერი შელაპარაკების ნიადაგზე შურისძიების მოტივი. დანაშაულის ჩადენის ადგილად უმრავლეს შემთხვევაში დაფიქსირდა მსხვერპლისა და მოძალადის ერთობლივი საცხოვრებელი სახლი და საჯარო სივრცე“, – განაცხადა ნინო ლომჯარიამ.

მისი თქმით, ფემიციდის ცხრა შემთხვევიდან ხუთში დანაშაულის ჩამდენი ქმარია. სამ შემთხვევაში დანაშაულის იარაღი დანაა, დანარჩენ ექვს შემთხვევაში დანაშაულის იარაღად გამოყენებულია სანადირო თოფი, ბენზინის საშუალებით სხეულზე ცეცხლის წაკიდება, ე.წ. ზონარი, ელექტროსადენი და ცემა.

„სასამართლომ ცხრავე საქმე არსებითად განიხილა. ფემიციდისთვის რეალური სასჯელის მინიმალური სახე და ზომა იყო ორი წლით თავისუფლების აღკვეთა, ხოლო მაქსიმალური 17 წლით თავისუფლების აღკვეთა. ცხრა საქმიდან რვა საქმეში მითითებულია, რომ მოძალადე არის უმუშევარი, მხოლოდ ერთ საქმეშია მითითებული, რომ მოძალადე დასაქმებული იყო. ფემიციდის ცხრა საქმიდან ხუთში საქმეში მითითებულია, რომ მოძალადეს აქვს საშუალო განათლება, ერთს აქვს საშუალო ტექნიკური განათლება, ერთი არის განათლების გარეშე, ერთს აქვს ტექნიკური განათლება, ხოლო ერთ საქმეში მითითებულია, რომ მოძალადე არის დასაქმებული“, – განაცხადა ნინო ლომჯარიამ.

მისივე ინფორმაციით, შესწავლილი ფემიციდის საქმეებიდან ერთ შემთხვევაში, როგორც ბრალდებული, ისე მსხვერპლი, ეთნიკური უმცირესობის წარმომადგენლები იყვნენ.

ამასთან, 2017 წელს ფემიციდის მცდელობის 8 შემთხვევა დაფიქსირდა.

საქართველოს ბანკის მხარდაჭერით მონაცემთა ყოველწლიური ფესტივალი-DataFest Tbilisi გაიმართება

13 ნოემბერი, 2019 , 19:25

საქართველოს ბანკის, BOG Fintech -ის მხარდაჭერით კავკასიის რეგიონში ყველაზე მასშტაბური, ყოველწლიური ფესტივალი- DataFest Tbilisi 2019 გაიმართება.  DataFest Tbilisi აღმოსავლეთ ევროპასა და ცენტრალურ აზიაში წამყვანი ყოვე

„სამართლიანი არჩევნები” მმართველ პარტიას მოუწოდებს, მხარი დაუჭირონ კონსტიტუციურ კანონპროექტს

13 ნოემბერი, 2019 , 15:25

„სამართლიანი არჩევნები” მოუწოდებს მმართველ პარტიას და მის დეპუტატებს პარლამენტში, შეასრულონ მათ მიერ საჯაროდ გაცემული დაპირება და მხარი დაუჭირონ კონსტიტუციურ კანონპროექტს, რომელიც უზრუნველყოფს 2020 წლის საპარ

განათლების, მეცნიერების, კულტურისა და სპორტის მინისტრად მიხეილ ჩხენკელი დაინიშნა

13 ნოემბერი, 2019 , 11:50

საქართველოს განათლების, მეცნიერების, კულტურისა და სპორტის მინისტრად მიხეილ ჩხენკელი დაინიშნა, - შესაბამის ბრძანებას პრემიერ-მინისტრმა გიორგი გახარიამ ხელი დღეს მოაწერა. მიხეილ ჩხენკელი დღემდე იყო საქართველოს პრემიერ-მინი

საპენსიო სააგენტოს აუდიტის ჩატარების სურვილი სამმა კომპანიამ გამოთქვა

13 ნოემბერი, 2019 , 11:50

საპენსიო სააგენტოს 2019-2020 წლის ანგარიშგების გარე აუდიტის ჩატარების სურვილს სამი აუდიტორული კომპანია გამოთქვამს. საკონკურსო კომისიის სხდომაზე, რომელსაც საფინანსო-საბიუჯეტო კომიტეტის თავმჯდომარე ირაკლი კოვზანაძე ხელმძღვ

ტექნიკურ უნივერსიტეტში საინჟინრო გეოლოგიის მოდერნიზებული ლაბორატორია და წიაღისეულის განახლებული მუზეუმი გაიხსნა

12 ნოემბერი, 2019 , 18:23

საქართველოს ტექნიკურ უნივერსიტეტში, სამთო-გეოლოგიური ფაკულტეტისა და მისი გამოყენებითი გეოლოგიის დეპარტამენტის ინიციატივით, მოდერნიზებული „ჰიდროგეოლოგიისა და საინჟინრო გეოლოგიის ლაბორატორია“ და განახლებული &bd

პირველი რესპუბლიკის მოედანზე ქანდაკება - N’Uovo გაიხსნა

12 ნოემბერი, 2019 , 16:15

პირველი რესპუბლიკის მოედანზე ქანდაკება – N’Uovo გაიხსნა, რომელიც იტალიაში მცხოვრებმა ქართველმა მოქანდაკე პრასტომ, ვაჟა მიქაბერიძემ შექმნა. ინსტალაციის გახსნის ღონისძიებას თბილისის მერის მოადგილე სოფიო ხუნწარი