საზოგადოება

ფოთის ბაზრის მოვაჭრეებისა და ადმისნიტრაციის შეხვედრა ხმაურით დასრულდა

ფოთში დამწვარი ბაზრის დაზარალებული მოვაჭრეებისა და ბაზრის მფლობელს შორის შეხვედრა გაიმართა, რომელიც ხმაურით დასრულდა.

კერძოდ, დაზარალებულები მომხდარში ადმინისტრაციას ადანაშაულებენ, ისინი ეჭვობენ, რომ ხანძარი ხელოვნურად არ გაჩენილა.

მოვაჭრეები ზარალის ანაზღაურებას ითხოვენ.

„მოთხოვნა რა მაქვს და ზარალის ანაზღაურება. თუ არ შეეძლო ამ კაცს ამის პატრონობა, ეთქვა დროზე, რომ ამას ვერ დაიცავდა, არ შემოვიტანდი საქონელს. 90 იარაღიანი დაცვა ეყენა. რას იცავენ ან ღამით, ან დღისით, რომელი ერთი დაიცვეს?“,-განაცხადა დაზარალებულმა შორენა თვალთვაძემ.

ბაზრის მეპატრონის ნოდარ კორსანტიას თქმით, იგი პასუხისმგებლობას არ გაურბის, უბრალოდ ელოდება ზარალის დათვლას.

„დადგინდეს ზარალი და დადგინდეს რისგან გაჩნდა ეს ხანძარი. ჩვენს ვალდებულებას ჩვენ არც ერთ შემთხვევაში არ გავექცევით. იურისტებიც დადებენ ალბათ დასკვნას. მე თვითონ არ ვიცი, როგორ გავაკეთო. ყოველწელიწადს კი არ იწვის აქაურობა, რომ გამოცდილება მქონდეს რა გავაკეთო“,-აღნიშნა ნოდარ კორსანტიამ.

ფოთის ბაზრობაზე ხანძარი გუშინ გაჩნდა, დაიწვა 2 ათასი კვადრატული მეტრი ფართობი.

მონიკა დავლიანიძე

საკვანძო სიტყვები:

15 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია

26 აპრილი, 2024 , 18:10

ნიჭიერი და მიზანდასახული სტუდენტებისთვის, რომლებსაც სურთ, მიიღონ ხარისხიანი ცოდნა და გამოავლინონ საკუთარი პოტენციალი, საქართველოს ბანკი განათლების შესაძლებლობების შექმნას განაგრძობს. სწორედ

ევროპაში არის სერიოზული პრობლემები პროპაგანდის კუთხით, რაც სერიოზულ პრობლემებს იწვევს, მათ შორის დემოგრაფიულ პრობლემებს - ირაკლი კობახიძე

26 აპრილი, 2024 , 16:13

როდესაც ევროპარლამენტი დაჟინებით მოგვიწოდებს, რომ ხელი შევუწყოთ იმ ტენდენციებს ჩვენს ქვეყანაში, რომლებიც ასე მძიმედ ევროპულ საზოგადოებებს უკვე ეტყობა, ეს არის აბსოლუტურად მიუღებელი - ჩვენ გვინდა ჩვენი ღირებულებებით,