რეგიონები

ფოთში შეიქმნება სპეციალური კომისია, რომელიც სტიქიით მიყენებულ ზარალს დაითვლის

ფოთში სპეციალური კომისია შეიქმნება, რომელიც ქალაქში ძლიერი წვიმით მიყენებული ზარალის ოდენობას დაადგენს. ამის შესახებ ფოთის მერმა გოჩა კურდღელიამ განაცხადა, რომელიც ადგილზე ვითარებას ეცნობა.

კურდღელიას თქმით, ელექტროენერგიის გათიშვამ სატუმბი სადგურების მუშაობა შეაფერხა.

„ქალაქში უხვი ნალექი დაფიქსირდა. გაითიშა ელექტროენერგია, რამაც სატუმბი სადგურების გაჩერება გამოიწვია და დაიტბორა ქუჩები. შეიქმნება სპეციალური კომისია, რომელიც ზარალს დაითვლის და დაზარალებულებს შესაბამისი დახმარება გაეწევათ“, - განუცხადა ჟურნალისტებს ფოთის მერმა.

მისივე ინფორმაციით, ამ წუთებში ქალაქში არსებული რვავე სატუმბი სადგური გამართულად მუშაობს.