პოლიტიკა

გახარია ჩვეულებრივი მოსკოვის კაცია ჩემთვის... თუ მაგი გახდა პრემიერი, ეკლესიასთან მთავრობას დიდი პრობლემა ექნება - ქორეპისკოპოსი იაკობი

„ბატონ გახარიასთან მე არ მაქვს ნორმალური ურთიერთობა, რა“, - ამის შესახებ TV პირველს ქორეპისკოპოსმა იაკობმა განუცხადა.

„არ არის ასეთი რაღაცა, ვიღაცას რაღაც ვაპატიო, თუ საპატიებელი არაა. მე ახლა კანონპროექტზე არ გეუბნებით, სხვა რამეა, რა თქმა უნდა, იცის თვითონ. კანონპროექტი არაფერი არაა იმასთან შედარებით, რასაც აპირებდა. ხელმძღვანელობამ რომ გაუგოს, ალბათ, მოიშორებენ. გახარია ჩვეულებრივი მოსკოვის კაცია ჩემთვის“, - განაცხადა ბოდბელმა ეპისკოპოსმა.

მისივე თქმით, თუ გიორგი გახარიას პრემიერ-მინისტრად დანიშნავენ, მთავრობას ეკლესიასთან სერიოზული პრობლემები შეექმნება.

„თუ რამე წინსვლა დაიწყო ზემოთ, ჩამოვაგდებ... თვითონ შეხედოს, გახდება თუ ვერ გახდება [პრემიერ-მინისტრი]... ვერ გახდება. თუ მაგი გახდა, ეკლესიასთან მთავრობას დიდი პრობლემა ექნება“, - განაცხადა ქორეპისკოპოსმა.