საზოგადოება

გამოკითხულთა 33% მოქმედი მთავრობის საქმიანობას უარყოფითად აფასებს - NDI

ეროვნულ-დემოკრატიული ინსტიტუტის (NDI) კვლევის თანახმად, გამოკითხული მოსახლეობის 14% (12% კარგად, ხოლო 2% - ძალიან კარგად) მოქმედი მთავრობის საქმიანობას დადებითად აფასებს.

გამოკითხულთა 33% (22%-ცუდად, ხოლო 11%-ძალიან ცუდად) მთავრობის საქმიანობას უარყოფითად აფასებს, ხოლო 52% -საშუალოდ. 2%-მა უპასუხა, რომ არ იცის.

კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგელობითი შერჩევის საფუძველზე (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია.

კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა