უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
გამოკითხულთა 36% ფიქორბს, რომ საქართველო საერთოდ არ იცვლება - NDI
ეროვნულ-დემოკრატიული ინსტიტუტის (NDI) კვლევების თანახმად, გამოკითხულთა 40 % მიიჩნევს, რომ საქართველო ძირითადად არასწორი მიმართულებით ვითარდება.
კითხვაზე – „როგორი მიმართულებით ვითარდება საქართველო“, გამოკითხულთა 4 % პასუხობს, რომ საქართველო ნამდვილად სწორი მიმართულებით ვითარდება, 25 % მიიჩნევს, რომ საქართველო ძირითადად სწორი მიმართულებით ვითარდება, 22 %-ს მიაჩნია, რომ ქვეყანა ნამდვილად არასწორი მიმართულებით ვითარდება. 8%-მა კი, დააფიქსირა პასუხი „არ ვიცი“.
აღსანიშნავია, რომ კითხვის ამ ვერსიაში არ ყოფილა პასუხის ვარიანტი „საქართველო საერთოდ არ იცვლება“.
კითხვის იმ ვერსიაში კი, სადაც პასუხის აღნიშნული ვარიანტი მოცემულია, შედეგები შემდეგნაირად გადანაწილდა – 2 % ფიქრობს, რომ საქართველო ნამდვილად სწორი მიმართულებით ვითარდება, 17 % – ძირითადად სწორი მიმართულებით ვითარდება, 36 % – საერთოდ არ იცვლება, 23 % – ძირითადად არასწორი მიმართულებით ვითარდება, 17 % ნამდვილად არასწორი მიმართულებით ვითარდება. 4 % დააფიქსირა პასუხი „არ ვიცი“. 1 % კი, პასუხზე უარი განაცხადა.
აღნიშნული კითხვა რესპონდენტთა ნახევარს დაესვა.
კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.
კვლევაში ცდომილების ზღვარი +/-1.9%-ია.