უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
სამართალი
გამოყვანა გვინდოდა, მაგრამ წინააღმდეგობას წავაწყდით, ხალხი არ გვატანდა -პროკურატურამ კობა დავითაშვილის ცემის ფაქტზე ყოფილი სპეცრაზმელი დაკითხა
თბილისის საქალაქო სასამართლოში 2007 წლის 7 ნოემბერს კობა დავითაშვილის ცემისა და თავისუფლების უკანონოდ აღკვეთის ფაქტზე პროკურატურამ ყოფილი სპეცრაზმელი დაკითხა. ბრალდების მხარის ცნობით, სწორედ ის იღებდა მონაწილეობას პოლიტიკოსის ცემაში.
„2007 წლის 7 ნოემბერს სამსახურში მივედით. მეთაურმა გვითხრა, რომ უნდა შევსულიყავით ელიავას ბაზრობაზე. მეთაური ედიშერ კობახიძე იყო. ჩავჯექით მანქანაში, მივედით ელიავას ბაზრობის ტერიტორიაზე. მანქანაში ვისხედით და ველოდებოდით შემდგომ მითითებებს. მოვიდა მეთაური. წინ მიდიოდა და ჩვენ მივყვებოდით. შევედით ბაზრობაზე, გვითხრა – შუშებიან შენობაში არის დავითაშვილი და გამოიყვანეთო. შევედით, გამოყვანა გვინდოდა, მაგრამ წინააღმდეგობას წავაწყდით, ხალხი არ გვატანდა. ძლივს გამოვიყვანეთ, მიკროავტობუსში ჩავსვით და წავედით გორის მიმართულებით. კობა დავითაშვილს სისხლი სდიოდა თავის არედან. მანქანაში რომ ვისხედით, მეთაური ლაპარაკობდა ტელეფონზე და მისი მითითებით მივდიოდით. გორში შევიყვანეთ საავადმყოფოში“, – განაცხადა სპეცრაზმელმა სასამართლოზე.
კობა დავითაშვილის ცემისა და თავისუფლების უკანონოდ აღკვეთის ფაქტზე პროკურატურამ ბრალი ზურაბ ადეიშვილს წაუყენა.
გამოძიების ინფორმაციით, 2007 წლის ნოემბერში თბილისში, რუსთაველის გამზირზე მიმდინარეობდა ოპოზიციის მიერ ორგანიზებული საპროტესტო აქციები. საქართველოს იმჟამინდელმა გენერალურმა პროკურორმა ზურაბ ადეიშვილმა, თავის კაბინეტში დაიბარა ფინანსთა სამინისტროს შემოსავლების სამსახურის უფროსის მოადგილე დავით ქარსელაძე და დაავალა, მისდამი დაქვემდებარებულ სპეცდანიშნულების რაზმსა და ოპერატიულ დანაყოფებს გაეკონტროლებინათ ისეთი ხალხმრავალი ადგილები, როგორიც იყო ე.წ. ელიავას, ვაგზლისა და ლილოს ბაზრობები, ადგილზე ოპოზიციის ლიდერების გამოჩენისთანავე კი აღეკვეთათ მათი მხრიდან ბაზრობის ტერიტორიაზე აგიტაციისა და მიტინგზე წასასვლელად ხალხის მობილიზების ფაქტები.