უკან

უახლესი ამბები

დღის კალენდარი

ანონსები

არქივი

პოლიტიკა

2 აპრილი, 2019 14:11
font-size

გამსახურდიას 9 აპრილი და არა ჟორდანია- შევარდნაძის 26 მაისი - ნატო ჩხეიძე

ალბათ მოვიდა ის დრო, როცა უნდა შეიცვალოს კიდეც დამოუკიდებლობის თარიღის აღნიშვნა, და ქვეყანამ თავისი დამოუკიდებლობა უნდა იზეიმოს სწორედ 9 აპრილს და არა 26 მაისს, - ამის შესახებ დამოუკიდებელმა დეპუტატმა ნატო ჩხეიძემ პარლამენტის დღევანდელ პლენარულ სხდომაზე განაცხადა.

„ ამ თემის გასაჟღერებლად ისევ არ იქნებოდა შესაფერისი დრო, რომ არა ის, რაც წინა კვირას მთელმა ქვეყანამ იხილა და მოისმინა-საქართველოს პრეზიდენტის, პრემიერ- მინისტრის, პარლამენტის თავმჯდომარის, ქალაქის მერის, ოცნების სხვა აქტივისტების მისალოცი სიტყვები საქართველოს პირველი პრეზიდენტის ზვიად გამსახურდიას საიუბილეო დღეების გამო.

აღნიშნული მილოცვები ბუნებრივი გაგრძელება და გამოხატულება იყო ოცნების თავმჯდომარის ბიძინა ივანიშვილის ასევე საიუბილეო ტექსტისა.

რადგან ოცნების მთავრობამ და პარტიამ ასე საზეიმოდ აღიარა ზვიად გამსახურდიას განსაკუთრებული დამსახურება საქართველოს წინაშე და აღნიშნა მისი ღვაწლი არა მარტო რეფერენდუმის ორგანიზებასა და ჩატარებაში, რაც ერთი ეტაპი იყო დამოუკიდებლობისათვისათვის ბრძოლაში, არამედ სწორედ ქვეყნის დამოუკიდებლობის გამოცხადება 1991 წლის 9 აპრილს, რაც სწორედ ამ თარიღით, - 9 აპრილით არის ჩაწერილი საქართველოს კონსტიტუციის პირველსავე მუხლში.

შესაბამისად, ალბათ მოვიდა ის დრო, როცა უნდა შეიცვალოს კიდეც დამოუკიდებლობის თარიღის აღნიშვნა, და ქვეყანამ თავისი დამოუკიდებლობა უნდა იზეიმოს სწორედ 9 აპრილს და არა 26 მაისს, როცა 1918 წელს ჟორდანიას მიერ მაშინდელი ქვეყნის დამოუკიდებლობა იქნა გამოცხადებული, რაც 3 წელიწადში დავკარგეთ რუსული ჯარის შემოჭრისა და მაშინდელი მთავრობის უთაობით , 70 წელი საბჭოეთის კოლონია ვიყავით და მხოლოდ 1991 წელს ხელახლა მოვიპოვეთ თავისუფლება ზვიად გამსახურდიას მოწამებრივი ღვაწლით, მაგრამ 1995 წელს შევარდნაძის ზეპირი გადაწყვეტილების საფუძველზე სწორედ ჟორდანიას თარიღი იქნა საზეიმო დღედ დადგენილი და არა გამსახურდიას თარიღი, ანუ დღევანდელი რესპუბლიკის დაბადების თარიღი, ანუ ის, რაც რეალობაა და რაც ჩაწერილია კიდეც საქართველოს კონსტიტუციაში.

მამა არ ახსოვდათ და მამინაცვალს ფიცულობდნენო, ამაზეა ნათქვამი.

და ვერ დაასახელებთ მსოფლიოში ვერც ერთ ქვეყანას, რომელიც თავის დამოუკიდებლობის დღეს აღნიშნავდეს არა კონსტიტუციაში ჩანაწერის, არამედ რომელიმე სხვა ისტორიულ თარიღის მიხედვით.

არადა, ყველამ ვიცით რომ კონსტიტუციური ჩანაწერი სავალდებულოდ შესასრულებელია, თუ რაიმე სხვა პირადი მოტივი არ ახლავს ასეთ უკანონო ქმედებას.

ნათელია შევარდნაძის მოტივი, ასახსნელია სააკაშვილის მოტივი, მაგრამ გაუგებარი იქნება ოცნების მოტივი, და მისი ერთკვირიანი დითირამბები გამსახურდიას მიმართ სრულ ფარისევლობად აღიქმება , თუ ქვეყნის ყოველწლიურ ყოფა- ცხოვრებაში დამოუკიდებლობის საზეიმო დღედ არ დადგინდა მისი ნამდვილი დაბადების დღე - 9 აპრილი.

იმედი მაქვს, რომ ოცნების სიტყვები და ქმედება წინა კვირას არ იყო ფარსი და სიყალბე და კიდეც შეცვლით ქვეყნის დამოუკიდებლობის საზეიმო აღნიშვნის თარიღს და ამით შეასრულებთ როგორც ზნეობრივ, ისე უზენაესი კანონი მოთხოვნას- ქვეყნის რეალური ისტორიისა და კონსტიტუციური ჩანაწერის პატივისცემას.

დიახ, კოლეგებო, გამსახურდიას 9 აპრილი და არა ჟორდანია- შევარდნაძის 26 მაისი.

და ბოლოს, მინდა გამოვეხმაურო ოცნების წევრის ფრაზას, რომ გამსახურდიას სიკვდილი ბურუსით არის მოცულიო, ეს ასე არ არის, მისი მკვლელობა დადგენილია საპარლამენტო საგამოძიებო კომისიის მიერ და აგრეთვე ლიტერატურის მკვლევარების მიერ და პროკურატურის მიერ ამის აღიარებას ანუ როგორც თქვენ მიგაჩნიათ ” ბურუსის გაფანტვას” მარტო პოლიტიკური ნება სჭირდება. „ - განაცხადა ნატო ჩხეიძემ.

კორონავირუსი მაშველი რგოლი აღარ არის, უკვე ხელოვნურ სუნთქვაზე ჰყავს რეალურად მმართველი გუნდი - ლევან კობერიძე

8 ივლისი, 2020 , 14:20

„ქართული ოცნება“ რეალურად ჩამოკიდებულია ბოლომდე ამ კორონავირუსს და მაქსიმალურად ცდილობს პოლიტიკური სარგებელი ნახოს. არჩევნებამდე ცდილობს მიათრიოს ეს პროცესი”- - ამის შესახებ დამოუკიდებელმა დეპუტატმა ლევ

როგორც ჩანს, კალაძეს პოლიტიკური ამბიციები შეუკვეცეს, სამაგიეროდ, პრობლემა აღარ ექნება იმ მილიონებზე, რომელთა „გაქრობაც“ ეს წლებია ხდება - დავით ჭიჭინაძე

8 ივლისი, 2020 , 10:30

როგორც ჩანს, კალაძეს პოლიტიკური ამბიციები შეუკვეცეს, სამაგიეროდ, პრობლემა აღარ ექნება იმ მილიონებზე, რომელთა „გაქრობაც“ ეს წლებია ხდება. ზუსტად 9 თვის შემდეგ მივიღე დეპუტატის შეკითხვაზე პასუხი სუს-ისგან, რომ

გიორგი გახარია უნგრეთის საგარეო საქმეთა და ვაჭრობის მინისტრს შეხვდა

6 ივლისი, 2020 , 15:05

საქართველოს პრემიერ-მინისტრი გიორგი გახარია უნგრეთის საგარეო საქმეთა და ვაჭრობის მინისტრ პიტერ სიიარტოს შეხვდა. მთავრობის ადმინისტრაციის პრესსამსახურის ინფორმაციით, მხარეების შეფასებით, პანდემიის დაწყების შემდეგ საქართვე

საქართველოს უნგრეთის საგარეო საქმეთა მინისტრი ეწვევა

6 ივლისი, 2020 , 08:38

საქართველოს 6 ივლისს ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. საქართველოს საგარეო საქმეთა სამინისტროს ინფორმაციით, ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამ

საქართველოს უნგრეთის საგარეო საქმეთა მინისტრი ეწვევა

5 ივლისი, 2020 , 10:35

საქართველოს 6 ივლისს ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. საქართველოს საგარეო საქმეთა სამინისტროს ინფორმაციით, ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამ

მოვუწოდებთ თურქეთის ხელისუფლებას, არ მიიღოს გადაწყვეტილება, რომელიც გაართულებს თურქეთის საგარეო-პოლიტიკურ მდგომარეობას - შალვა ნათელაშვილი

4 ივლისი, 2020 , 15:10

მოვუწოდებთ თურქეთის ხელისუფლებას, არ მიიღოს გადაწყვეტილება, რომელიც გაართულებს თურქეთის საგარეო პოლიტიკურ მდგომარეობას, მათ შორის საქართველოსთან სამომავლო ურთიერთობაშიც შეიტანს ბზარებს, – ამის შესახებ „ლეიბორ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე