კომენტარი

გარკვეულ საპროცესო ორ დოკუმენტზე ერთი პროკურორის სხვადასხავანაირი ხელმოწერებია - რამიშვილი

დეკანოზ გიორგი მამალაძის ადვოკატის, მიხეილ რამიშვილის განცხადებით, მამა გიორგის საქმეში დაუშვებელი და უკანონო მტკიცებულებებია.

როგორც რამიშვილმა ჟურნალისტებს განუცხადა, ე.წ. ციანიდის საქმეში არსებობს ორი დოკუმენტი, რომელზეც ერთი და იმავე პროკურორის სხვადასხვანაირი ხელმოწერებია.

მისივე თქმით, საქმეში ბევრი ისეთი ნიუანსი გამოჩნდა, რაზეც პროკურატურას სერიოზული პასუხის გაცემა მოუწევს.

”გარკვეულ საპროცესო ორ დოკუმენტზე ერთი პროკურორის სხვადასხავანაირი ხელმოწერებია. ეს იმას ნიშნავს, რომ მოქმედებები რაც ჩატარებულია, უკანონოა და ეჭვქვეშ აყენებს რამდენად სამართლიანად მოხდა მისი დაკავება, რამდენად აძლევდა პროკურატურას იმის საშუალებას, რომ ბრალი წაეყენებინათ დეკანოზისთვის და საერთოდ სისხლის სამართლებრივი ძიება დაეწყოთ”, - განაცხადა ადვოკატმა.

რამიშვილი მიიჩნევს, რომ როგორც პროკურორების ხელმოწერის, ისე სხვა მტკიცებულებების კარგად შესწავლის შემთხვევაში, პროკურატურამ საქმე მთლიანად უნდა შეწყვიტოს.

ნინო ექვთიმიშვილი