უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
გედევან ფოფხაძის იურიდიული კომიტეტიდან გაწვევა პოლიტიკური გადაწყვეტილება იყო - მამუკა მდინარაძე
„გედევან ფოფხაძე იურიდიული კომიტეტიდან გამოიწვია ფრაქციამ. ეს იყო პოლიტიკური გადაწყვეტილება, რომელიც ფრაქციამ მიიღო უმრავლესობით“, – ამის შესახებ საპარლამენტო ფრაქცია „ქართული ოცნების“ თავმჯდომარემ მამუკა მდინარაძემ ფრაქციის სხდომის დასრულების შემდეგ განაცხადა.
როგორც მამუკა მდინარაძემ აღნიშნა, იურიდიულ საკითხთა კომიტეტის თავმჯდომარის პირველ მოადგილედ გედევან ფოფხაძის არჩევის საკითხი გუნდთან არ იყო შეთანხმებული.
მისივე თქმით, გედევან ფოფხაძის არჩევის დროს დაირღვა პარლამენტის რეგლამენტიც.
„გედევან ფოფხაძე გამოიწვია ფრაქციამ კომიტეტიდან, ეს იყო პოლიტიკური გადაწყვეტილება, რომელიც ფრაქციამ მიიღო უმრავლესობით მხოლოდ სამი იყო წინააღმდეგი. მისი მოადგილეობის საკითხი არ იყო გუნდთან შეთანხმებული. გარდა იმისა, რომ რეგლამენტი და შესაბამისი პროცედურები დაირღვა. ამიტომ მიიღო ფრაქციამ ეს გადაწყვეტილება. არცერთ ადამიანს დღეს, რომელიც გამოთქვამდა თავის მოსაზრებას, არ უთქვამს ის, რომ განსხვავებული მოსაზრების გამო, ადამიანს სანქცია უნდა დაეკისროს. ჩვენ გამოვნახეთ ყველაზე რბილი ფორმა, რაც კი შეიძლება ამ შემთხვევაში გამონახულიყო იმის საპასუხოდ, რომ გუნდში არ იყო შეთანხმებული გედევან ფოფხაძის მოადგილეობისსაკითხი, ამიტომ მიიღო ფრაქციამ გადაწყვეტილება”, – განაცხადა მდინარაძემ.
გედევან ფოფხაძე ფრაქცია „ქართულმა ოცნებამ“ პარლამენტის იურიდიული კომიტეტიდან დღეს გაიწვია.