უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
გერმანიის მთავრობამ გადაწყვიტა, საქართველო შეიყვანოს უსაფრთხო ქვეყნების სიაში - ნათია მეზვრიშვილი
შინაგან საქმეთა მინისტრის მოადგილის, ნათია მეზვრიშვილის განცხადებით, საქართველოსა და გერმანიის შინაგან საქმეთა მინისტრების შეხვედრის შემდეგ, გერმანიის მთავრობამ გადაწყვიტა, საქართველო უსაფრთხო ქვეყნების სიაში შეეყვანა.
მისი თქმით, უსაფრთხო ქვეყნების სიაში საქართველო ევროკავშირის რამდენიმე ქვეყანას ჰყავს, რაც ხელს უწყობს ქართველი თავშესაფრის მაძიებელთა შემცირებას.
„თავშესაფრის მაძიებელთა რაოდენობის შემცირების მიზნით, შსს-მ საკმაოდ აქტიური ქმედებები განახორციელა. უსაფრთხო ქვეყნების სიაში საქართველოს შეყვანის მნიშვნელობაზე შს მინისტრმა გერმანიის შს მინისტრთან შეხვედრის დროს ისაუბრა. ამ შეხვედრიდან ძალიან მოკლე დროში გერმანიის მთავრობამ მიიღო გადაწყვეტილება, საქართველო შეიყვანოს უსაფრთხო ქვეყნების სიაში. ამ სიაში საქართველო ევროკავშირის რამდენიმე ქვეყანას ჰყავს და ეს მნიშვნელოვანია, რადგან ხელს უწყობს თავშესაფრის მაძიებელთა რიცხვის შემცირებას. ტენდენცია კლებისკენ მიემართება და უფრო მეტი პროგრესისთვის ვმუშაობთ, მათ შორის ჩვენი ატაშეების მეშვეობით“, – განაცხადა მეზვრიშვილმა.
გერმანიის მთავრობამ დაამტკიცა კანონპროექტი, რომელიც საქართველოს უსაფრთხო ქვეყნად გამოცხადებას ითვალისწინებს.