საზოგადოება

გერმანიის „შარიტეს“ კლინიკისგან მაჩალიკაშვილის გადაყვანაზე უარი მიიღეს - ჯანდაცვის სამინისტრო

საქართველოს შრომის, ჯანმრთელობისა და სოციალური დაცვის სამინისტრომ გერმანიის „შარიტეს“ კლინიკისგან პაციენტ თემირლან მაჩალიკაშვილის მკურნალობის გაგრძელების თაობაზე უარი მიიღო.

ჯანდაცვის სამინისტროს ინფორმაციით, უწყება კვლავ განაგრძობს კლინიკების მოძიების პროცესს და ასევე მზად არის, პაციენტ მაჩალიკაშვილის ოჯახის მიერ შერჩეულ თურქულ კლინიკასთან მოლაპარაკება აწარმოოს.

„ამ დროისთვის პაციენტს შესაბამისი სამედიცინო სერვისები წმინდა მიქაელ მთავარანგელოზის სახელობის საავადმყოფოში მიეწოდება“, – აცხადებენ ჯანდაცვის სამინისტროში.