სამართალი

გიორგი გახარია ხორავას ქუჩის საქმის ფიგურანტების მიმოწერების ამოსაღებად Facebook-ს მოთხოვნას გაუგზავნის

შინაგან საქმეთა მინისტრის, გიორგი გახარიას განცხადებით, ის ხორავას ქუჩის საქმის ფიგურანტების Facebook-მიმოწერების ამოღებას აპირებს. ამაზე შეკითხვა ხორავას ქუჩაზე მოზარდების მკვლელობის საქმეზე შექმნილი დროებითი საპარლამენტო საგამოძიებო კომისიის წევრმა გიგა ბოკერიამ დაუსვა.

„აპირებთ თუ არა ახლა, Facebook-ს გაუგზავნოთ მოთხოვნა, რომ სცადოთ იმ ჩანაწერების ამოღება, რომლებიც შესაძლოა, წაშლილია? არც გაფასებთ, არც ბრალდებას გიყენებთ, უბრალოდ გვიპასუხეთ. აქამდე რომ არ გააკეთეთ, სხვა ბევრ რამესთან ერთად, ეს ვიცით“, - ჰკითხა ბოკერიამ გახარიას.

ამაზე შს მინისტრმა უპასუხა, რომ მოთხოვნას Facebook-ს დღესვე გაუგზავნის.

„დღესვე გავაგზავნი და იქიდან მოცემულ ინფორმაციას, როგორც კი მივიღებთ იმ წუთში გადმოგიგზავნით, ბატონო გიგა“, - მიმართა გახარიამ ბოკერიას.

ხორავას ქუჩის საქმეზე შექმნილი კომისიის სხდომაზე შს მინისტრ გიორგი გახარიასა და ყოფილ მთავარ პროკურორ ირაკლი შოთაძეს უსმენენ, ასევე დღესვე დაგეგმილია იუსტიციის მინისტრის, თეა წულუკიანის გამოკითხვა.

ანა მებურიშვილი