პოლიტიკა

გიორგი კვირიკაშვილი და კარენ კარაპეტიანი ზემო ლარსის ალტერნატივაზე შეთანხმდნენ

სომხეთის პრემიერ-მინისტრი კარენ კარაპეტიანი და საქართველოს პრემიერ-მინისტრი გიორგი კვიირკაშვილი ზემო ლარსის ალტერნატივაზე შეთანხმდნენ.

ამის შესახებ მედიას სომხეთის პრემიერმა განუცხადა, წერს Спутник-Армения.

“თუკი გაინტერესებთ, გაჩნდება თუ არა ლარსის ალტერნატივა, შემიძლია დაგარწმუნოთ, რომ დიახ, გაჩნდება! დანარჩენზე ჯერჯერობით ფრჩხილებს არ გავხსნი. ჩვენ მოვილაპარაკეთ როგორც ლარსზე, ასევე ენერგეტიკულ დერეფანზე”,- განაცხადა კარაპეტიანმა.

პრემიერ მინისტრმა ვიზიტს ნაყოფიერი, გულთბილი და კონსტრუქციული უწოდა და დასძინა, რომ სრულად შეასრულა ის პროგრამა, რომლითაც საქართველოში მიემგზავრებოდა.

მისი თქმით, მხარეები შეთანხმდნენ, რომ სომხურ-ქართული ურთიერთობა ორი ქვეყნის შესაძლებლობების გამოყენებით რეგიონულ კონტექსტშიც უნდა განიხილონ.

„აუცილებელია შევინარჩუნოთ და მომავალ თაობებს გადავცეთ ის მემკვიდრეობა, რომელიც გვაქვს. დღეს დარწმუნებულები ვართ, რომ ისინი შეძლებენ იმ ურთიერთობების შენარჩუნებას, რაც გაგვაჩნია. ამიტომ ამ პროცესს ყველანაირად უნდა შევუწყოთ ხელი“, - განაცხადა კარაპეტიანმა.

სომხეთის პრემიერ-მინისტრი საქართველოს 2-დღიანი ვიზიტით 23 თებერვალს ეწვია.

მონიკა დავლიანიძე