უკან

უახლესი ამბები

დღის კალენდარი

ანონსები

არქივი

სამართალი

9 თებერვალი, 2017 11:30
font-size

გიორგი მღებრიშვილი კონტრადმირალ სკოტ ჯერაბეკს შეხვდა

საქართველოს შს სამინისტროს, სამუშაო ვიზიტით, აშშ-ს თავდაცვის დეპარტამენტის თავდაცვის საფრთხეების შემცირების სააგენტოს (DTRA) უფროსის მოადგილე, კონტრადმირალი სკოტ ჯერაბეკი სააგენტოს დელეგაციასთან ერთად ეწვია. ამერიკელ სტუმრებს შინაგან საქმეთა მინისტრმა გიორგი მღებრიშვილმა უმასპინძლა.

ოფიციალური ცნობით, შეხვედრაზე შს მინისტრმა ხაზგასმით აღნიშნა ამერიკის შეერთებულ შტატებთან სასაზღვრო სფეროში არსებული მჭიდრო და ნაყოფიერი თანამშრომლობა, რის შედეგადაც, აშშ-ს თავდაცვის დეპარტამენტის საფრთხეების შემცირების სააგენტოსთან ერთად, საქართველოში არაერთი წარმატებული პროექტი განხორციელდა. გიორგი მღებრიშვილის თქმით, აღნიშნულმა პროექტებმა მნიშვნელოვნად გააძლიერა საქართველოს შს სამინისტროს შესაძლებლობები, მათ შორის, ტრანსსასაზღვრო დანაშაულის წინააღმდეგ ბრძოლის კუთხით.

შს მინისტრმა მწვანე საზღვრის შესაძლებლობების გაუმჯობესების პროექტის მნიშვნელობაზე ისაუბრა და განსაკუთრებული ყურადღება დაუთმო საქართველო-სომხეთის სახელმწიფო საზღვარზე, სასაზღვრო სექტორ „სადახლოზე“ არსებულ ელექტრონული მონიტორინგის სისტემის მართვის ცენტრს, რომელიც აშშ-ს თავდაცვის დეპარტამენტის თავდაცვის საფრთხეების შემცირების სააგენტოს (DTRA) მხარდაჭერით, გასულ წელს გაიხსნა. აღნიშნული ცენტრის მიზანია საზღვრის უსაფრთხოების გაძლიერება და გაუმჯობესებული კონტროლი, რაც ტრანსსასაზღვრო დანაშაულისა და უკანონო მიგრაციის შემთხვევების გამოვლენას და აღკვეთას შეუწყობს ხელს. როგორც გიორგი მღებრიშვილმა აღნიშნა, ეს არის პირველი შემთხვევა, როცა მსგავსი ტიპის სამეთვალყურეო სისტემა საქართველოს სახელმწიფო საზღვარზე დაინერგა.

შს მინისტრმა ასევე ყურადღება გაამახვილა სანაპირო დაცვის განვითარების მიმართულებით DTRA-ს მხარდაჭერით განხორციელებულ პროექტებზე და იმედი გამოთქვა, რომ თანამშრომლობა საზღვაო უსაფრთხოების კუთხით მომავალშიც გაგრძელდება.

„მსურს, ხაზგასმით აღვნიშნო, რომ თქვენი მხარდაჭერით განხორციელებული პროექტები საქართველოს ეხმარება საზღვრების უსაფრთხოების უზრუნველყოფის გაუმჯობესებაში, რითიც ჩვენი წვლილი შეგვაქვს რეგიონის უსაფრთხოებისა და სტაბილურობის შენარჩუნებაში და ამასთან, უდიდეს როლს ასრულებს საქართველოს ევროატლანტიკური ინტეგრაციის პროცესში“, - განაცხადა გიორგი მღებრიშვილმა.

თავის მხრივ, კონტრადმირალმა სკოტ ჯერაბეკმა საქართველოს შინაგან საქმეთა სამინისტროს საიმედო პარტნიორობისა და წარმატებით განხორციელებული ერთობლივი პროექტებისთვის მადლობა გადაუხადა. „მიმაჩნია, რომ ჩვენმა თანამშრომლობამ თავისი განვითარების მწვერვალს მიაღწია. ჩვენ გვაკავშირებს საუკეთესო პარტნიორობა. იმედს გამოვთქვამ, რომ ეს პარტნიორობა მომავალშიც წარმატებით გაგრძელდება“, - განაცხადა სკოტ ჯერაბეკმა.

შეხვედრაზე საქართველოს შს მინისტრმა და აშშ-ს თავდაცვის დეპარტამენტის თავდაცვის საფრთხეების შემცირების სააგენტოს უფროსის მოადგილემ მიმდინარე და დაგეგმილი პროექტები განიხილეს, რომლებიც უახლოეს მომავალში საქართველოში DTRA-ს მხარდაჭრით განხორციელდება.

საკვანძო სიტყვები:

მოსამართლემ, კობახიძისა და გულუაშვილის ინტერვიუების მტკიცებულებად დამატების შუამდგომლობა დააკმაყოფილა

13 აპრილი, 2021 , 13:27

თბილისის საქალაქო სასამართლოში, "ნაციონალური მოძრაობის" თავმჯდომარის ნიკა მელიას სასამართლო პროცესი მიმდინარეობს. ადვოკატმა გიორგი კონდახიშვილმა, დააყენა შუამდგომლობა საქმეში ახალი მტკიცებულებების დართვის შესახებ, საუბარ

შსს-მ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 993 ფაქტი გამოავლინა

13 აპრილი, 2021 , 11:51

შინაგან საქმეთა სამინისტროს ცნობით, სამართალდამცველების მიერ განხორციელებული მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 993

სახელმწიფო ქონების მოტყუებით დაუფლების ფაქტზე ერთი პირი დააკავეს

13 აპრილი, 2021 , 11:21

ფინანსთა სამინისტროს საგამოძიებო სამსახურის თანამშრომლებმა დიდი ოდენობით სახელმწიფო ქონების მოტყუებით დაუფლების ფაქტზე ერთი პირი დააკავეს. უწყების პრესსამსახურის ინფორმაციით, გამოძიებით დადგინდა, რომ ბრალდებულმა, სახელმწ

დღეს ნიკა მელიას სასამართლო პროცესი გაიმართება

13 აპრილი, 2021 , 10:27

„ერთიანი ნაციონალური მოძრაობის“ თავმჯდომარის, ბრალდებული ნიკა მელიას სასამართლო პროცესი დღეს გაიმართება. სხდომა თბილისის საქალაქო სასამართლოში 11:00 საათზეა დანიშნული. დღევანდელ პროცესზე სასამართლო მელიას მიმ

ბათუმში განზრახ მკვლელობის მცდელობაში ბრალდებული პირი დააკავეს

12 აპრილი, 2021 , 15:00

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1995 წელს დაბადებული, წარსულში ნასამართლევი ლ.კ. განზრახ მკვლელობის მცდელობის

ბიზნესმენი დავით კოდუა დააკავეს

12 აპრილი, 2021 , 15:00

შინაგან საქმეთა სამინისტრომ ბიზნესმენი დავით კოდუა დააკავა. ადგილზე პოლიცია მისი მეუღლის შეტყობინების საფუძველზე გამოცხადდა. დავით კოდუა ცოლის და ქალიშვილის მიმართ ფიზიკური და ფსიქოლოგიური ძალადობის ბრალდებით არის დაკავე