უკან

უახლესი ამბები

დღის კალენდარი

ანონსები

არქივი

პოლიტიკა

3 მაისი, 2017 18:15
font-size

გიორგი მღებრიშვილმა ევროპის პოლიციის კოლეჯების ასოციაციის ყოველწლიური საერთაშორისო კონფერენცია გახსნა

შინაგან საქმეთა მინისტრმა, გიორგი მღებრიშვილმა შსს-ს აკადემიაში ევროპის პოლიციის კოლეჯების ასოციაციის (AEPC) ყოველწლიური კონფერენცია - "მიგრაციის მომავალი - მასთან დაკავშირებული გამოწვევები და რეაგირების გზები" გახსნა.

შსს-ს ინფორნაციით, კონფერენციის გახსნას AEPC-ს პრეზიდენტი, ნორბერტ ლაიტნერი, შსს-ს აკადემიის რექტორი, გივი მიქანაძე და საქართველოს საგარეო საქმეთა მინისტრის მოადგილე, ვახტანგ მახარობლიშვილი დაესწრნენ.

„გლობალური გამოწვევების წინააღმდეგ, დანაშაულთან ბრძოლის ეფექტიანობის უზრუნველყოფისთვის, უდიდესი მნიშვნელობა აქვს საერთაშორისო საპოლიციო თანამშრომლობის განვითარებას და პარტნიორი ქვეყნების მიერ ერთიანი მიდგომისა და სტრატეგიის შემუშავებას. ამის ერთ-ერთი საშუალებაა საგანმანათლებლო უწყებებს შორის მჭიდრო თანამშრომლობა და გამოცდილების გაზიარება, რაც კომპეტენტური და პროფესიონალი პოლიციელების მომზადებაში გვეხმარება. მაღალკვალიფიციური და განათლებული პოლიციელი კი ყოველთვის ერთი ნაბიჯით წინ უსწრებს კრიმინალს. პირადად ჩემთვის პრიორიტეტს წარმოადგენს აკადემიის შესაძლებლობების გაძლიერება და მაღალი, დასავლური სტანდარტის საპოლიციო განათლების ხელშეწყობა. ჩვენ გვსურს, რომ შსს-ს აკადემია იქცეს რეგიონულ საგანმანათლებლო ცენტრად, რაც ხელს შეუწყობს როგორც საპოლიციო განათლების სტანდარტის ამაღლებას საქართველოსა და მთლიანად რეგიონში, ამავდროულად, სამართალდაცვით სფეროში რეგიონის ქვეყნებს შორის თანამშრომლობის გაღრმავებას, სტაბილურობას, უსაფრთხოებასა და განვითარებას“, - განაცხადა გიორგი მღებრიშვილმა.

AEPC-ის წლევანდელ კონფერენციაში 17 ქვეყნის სამართალდამცავი სტრუქტურების სასწავლო ცენტრებისა და აკადემიების, ასევე, სხვადასხვა საერთაშორისო ორგანიზაციის, მათ შორის, მიგრაციის საერთაშორისო ორგანიზაციისა და გაერო-ს ლტოლვილთა უმაღლესი კომისარიატის წარმომადგენელები მონაწილეობენ. ისინი მიგრაციასთან დაკავშირებით, საპოლიციო სწავლების მიმართულებით, ევროპის სხვადასხვა ქვეყნის წარმატებულ პრაქტიკას განიხილავენ.

შსს-ს ინფორმაციით, კონფერენციის მიზანია პარტნიორი ქვეყნების სამართალდამცავი სტრუქტურების სასწავლო ცენტრებსა და აკადემიებს შორის საერთაშორისო თანამშრომლობის განვითარება და გამოცდილების გაზიარება, ასევე, დანაშაულთან ბრძოლის ეფექტიანობის გაზრდის მიზნით, ერთიანი მიდგომისა და სტრატეგიის შემუშავება.

კონფერენციის ფარგლებში, ასევე, გაიმართება ევროკავშირის პოლიციის კოლეჯთა ასოციაციის მმართველთა საბჭოს სხდომა, სადაც საქართველოს შსს-ს აკადემიის ასოციაციის მუდმივ აღმასრულებელ წევრად არჩევის შესახებ კენჭისყრის შედეგები გამოვლინდება.

ღონისძიების პარალელურად, შსს-ს აკადემიის რექტორმა, გივი მიქანაძემ და ესტონეთის უსაფრთხოების მეცნიერების აკადემიის რექტორმა, კატრი რაიკმა ურთიერთთანამშრომლობის მემორანდუმის მოაწერეს ხელი. დოკუმენტი შსს-ს აკადემიასა და ესტონეთის უსაფრთხოების მეცნიერების აკადემიას შორის მჭიდრო და პარტნიორული ურთიერთობების გაღრმავებას უზრუნველყოფს, რაც ხელს შეუწყობს მხარეთა შორის კოორდინირებულ საქმიანობას, სტუდენტებისა და პერსონალის პროფესიულ განვითარებას.

მემორანდუმი ითვალისწინებს: ერთობლივი სამუშაო შეხვედრების, სემინარებისა და საგანმანათლებლო პროექტების ჩატარებას; მსმენელების/სტუდენტებისა და პერსონალის გაცვლითი პროგრამების და სასწავლო ვიზიტების განხორციელებას, ასევე, გამოცდილების გაზიარებას და ინსტიტუციური შესაძლებლობების განვითარებისათვის თანამშრომლობას.

მთავრობის ადმინისტრაცია - საკოორდინაციო საბჭომ გართულებული ეპიდემიოლოგიური ვითარება და შეზღუდვების აღსრულების მკაცრი კონტროლის აუცილებლობა განიხილა

13 აპრილი, 2021 , 15:40

უწყებათაშორისმა საკოორდინაციო საბჭომ, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა, გართულებული ეპიდემიოლოგიური ვითარება და დაწესებული შეზღუდვების აღსრულების მკაცრი

„გირჩს“ ცოტა არეული აქვს თავისი ფუნქციები - გია ვოლსკი

12 აპრილი, 2021 , 17:40

რასაც ეს პარტია გვიყვება, შესაძლოა, პოლიტიკისთვის და მხარდამჭერთა რაოდენობის მობილიზების თვალსაზრისით კარგი იყოს, მაგრამ საზოგადოებას სხვა მოთხოვნა აქვს პარლამენტის მიმართ - ამის შესახებ პარლამენტის პირველმა ვიცე-სპიკერმ

საქართველოში ჯერ მხოლოდ ბრიტანული შტამის გავრცელებაა დადასტურებული - პაატა იმნაძე

12 აპრილი, 2021 , 17:15

საქართველოში ჯერ ბრიტანული შტამის გავრცელებაა დადასტურებული, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა. მისივე თქმით, აღნიშნულ შტამთან დაკავშირებით ლუგარ

ჩვენ ღია დავტოვეთ კარი და შესაძლებლობა, რომ სხვა პარტიებიც შემოუერთდნენ საპარლამენტო საქმიანობას - არჩილ თალაკვაძე

12 აპრილი, 2021 , 16:35

დღეს ჩვენი საზოგადოება ხედავს, რომ ძალიან ბევრ მნიშვნელოვან საკითხებზე იმართება საკომიტეტო მოსმენები, ეს ის თემებია, რაც ჩვენს საზოგადოებას აწუხებს და აინტერესებს ყველაზე მეტად. სწორედ ეს არის შედეგი და ის განსხვავება, რ

მჯერა პარლამენტის არჩეული წევრები აცნობიერებენ, რა დევს ახლა მათი ქვეყნისთვის სასწორზე - კელი დეგნანი

12 აპრილი, 2021 , 15:30

ძალიან მნიშვნელოვანია, პოლიტიკურმა პარტიებმა გადაჭრან პოლიტიკური კრიზისი სწრაფად და რაც შეიძლება მალე, - ამის შესახებ აშშ-ის ელჩმა საქართველოში კელი დეგნანმა განაცხადა. "ჩვენ გვესმის საზოგადოებისგან, რომ ელოდება კრიზისის

იმ ბრძოლაში, რა ბრძოლაშიც ახლა უკრაინაა, ვართ ჩვენც - მაკა ბოჭორიშვილი

12 აპრილი, 2021 , 15:30

უკრაინასთან დაკავშირებულ კრიტიკას კატეგორიულად ვერ მივიღებ, საქართველო აქტიურად უჭერს მხარს უკრაინის ტერიტორიულ მთლიანობას – ამის შესახებ პარლამენტის ევროინტეგრაციის კომიტეტის თავმჯდომარე მაკა ბოჭორიშვილმა განაცხად