უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
კომენტარი
გიორგი ვაშაძე ბნელ მხარეს გადავიდა. არ ვიცი, ჩხარტიშვილმა გადაათრია, ვინ გადაათრია - მიხეილ სააკაშვილი
„გიორგი ვაშაძე გადავიდა ბნელ მხარეს. არ ვიცი, ჩხარტიშვილმა გადაათრია, ვინ გადაათრია“, - ამის შესახებ საქართველოს მესამე პრეზიდენტმა, უკრაინის რეფორმების აღმასრულებელი კომიტეტის თავმჯდომარემ, მიხეილ სააკაშვილმა „მთავარი არხის“ ეთერში განაცხადა.
ნიკა გვარამიას კითხვაზე, ვაშაძე მართულია ბიძინა ივანიშვილის მხრიდან, თუ უნებურად ასრულებს მის დავალებას, მიხეილ სააკაშვილმა აღნიშნა, რომ ეს არის იცის, თუმცა ფაქტია, რომ ვაშაძე ბნელ მხარეს გადავიდა.
„არ ვიცი, რა არის, მაგრამ ფაქტია, რომ გადავიდა ბნელ მხარეს, არასწორ მხარეს. აქ ან უნდა იყოს შავი და თეთრი, ნათელი და სიბნელე. ადამიანი თუ გადადის ბნელ მხარეს, ის გადადის ბნელ მხარეს. არ ვიცი, ჩხარტიშვილმა გადაათრია, ვინ გადაათრია“, – განაცხადა მიხეილ სააკაშვილმა.
მისივე თქმით, გიორგი ვაშაძე არ არის ის ფიგურა, რომელზე საუბრისთვისაც ბევრი დრო უნდა დახარჯოს.
„ყოველთვის მომწონდა გიორგი ვაშაძე, შანსს ვაძლევდი. ზოგი ამართლებს ამ შანსს, ზოგი არ ამართლებს. მთელი ცხოვრება ვერავის ვერ ვათრევ ხელით. ერთ მხარეს ბიძინა ივანიშვილია, მეორე მხარეს არის ქართველი ხალხი. ქართველ ხალხთან ერთად ვარ მე და ყველას ღმერთმა ხელი მოუმართოს, ოღონდ არა იმ საქმეში, რომ ივანიშვილის მმართველობა გააგრძელოს. თუ ეს არის ახალგაზრდა ადამიანის ყველაზე მეტი ოცნება, რომ ივანიშვილის თანამაში ითამაშოს, ვერ ითამაშებს ვერც ეს და ვერც ვერავინ, რადგან მე ვარ ამ კამპანიაში ბოლომდე ჩართული. მე ვაპირებ ივანიშვილის დამარცხებას ქართველ ხალხთან ერთად. „ნაციონალური მოძრაობა“ არის ის ჯგუფი და ის ძალა, რომელიც დაამარცხებს ივანიშვილს. საერთოდ ეჭვიც არ მეპარება ამაში და „ნაციონალური მოძრაობა“ არის ის ძალა, რომელიც დაიწყებს საქართველოს ხელახლა აღმშენებლობას, ხელახლა აშენებას, ხელახლა განვითარებას“, – დასძინა მიხეილ სააკაშვილმა.