რეგიონები

გოდერძის უღელტეხილზე თოვს

გოდერძის უღელტეხილზე თოვს.

როგორც საზოგადოებრივი მაუწყებელი ხულოს გამგებელზე, ბესიკ ბაუჩაძეზე დაყრდონობით იუწყება, 3-4 სანტიმეტრის თოვლის საფარს ამ დროისთვის პრობლემები არ შეუქმნია.

გოდერძის უღელტეხილის მიმდებარედ საზაფხულო იალაღებია, სადაც მაღალმთიანი აჭარის მცხოვრებლებს რამდენიმე თვით საძოვრებზე პირუტყვი გადაჰყავთ.

სულ ხულოში 20 ასეთი იალაღია. ამ დროისთვის იალაღებზე მოსახლეობის მხოლოდ მცირე ნაწილია გადასული.

სინოპტიკოსები გამოდარებას აჭარაში 25 მაისიდან ვარაუდობენ.