კომენტარი

გოგა ონიანი მხოლოდ იმიტომ დაიჭირეს, რომ იგი „ნაციონალური მოძრაობის“ წევრია - ნიკა მელია

„ნაციონალური მოძრაობის“ ერთ-ერთი ლიდერის, ნიკა მელიას შეფასებით, ადვოკატი გოგა ონიანი მხოლოდ იმიტომ დაიჭირეს, რომ იგი „ნაციონალური მოძრაობის“ წევრია.

მელიას განცხადებით, იმ საქმეზე, რომელზეც სასამართლომ ონიანი დამნაშავედ ცნო, კიდევ 6 პოლიციელი იყო ბრალდებული, თუმცა ისინი დღეს დაწინაურებულები არიან, რადგან ონიანის წინააღმდეგ გამოძიებასთან „ითანამშრომლეს“.

„ამ საქმეზე ექვსი პოლიციელი იყო ბრალდებული, თუმცა ამ ექვსიდან ხუთმა ითანამშრომლა გოგა ონიანზე და ეს ხუთი ადამიანი, ხელშეუხებლები არიან, რაც ძალიან კარგია, მაგრამ ერთადერთი ადამიანი ვინც დაიჭირეს არის მხოლოდ გოგა ონიანი, იმიტომ რომ „ნაციონალური მოძრაობის“ წევრია და ის ხუთი ადამიანი დააწინაურეს. ზოგი დღეს უფრო მაღალ თანამდებობაზე არის, ვიდრე იყო წლების წინ. ერთერთი მათგანი არის რომელიღაცა ჯილდოთი დაჯილდოვებული, ეს ყველაფერი იმიტომ რომ დღევანდელი დღე შემდგარიყო“,-აღნიშნა მელიამ.

საქალაქო სასამართლომ ადვოკატი გოგა ონიანი წარდგენილ 4-ვე ბრალდებაში დამნაშავედ ცნო და ჯამში 4 წლითა და 6 თვით თავისუფლების აღკვეთა მიუსაჯა.

განაჩენის გამოცხადების შემდეგ ონიანი სასამართლოს დარბაზშივე დააკავეს.

მონიკა დავლიანიძე