უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
კომენტარი
გუნდში განახლება და ახალი სისხლი იქნება - მამუკა ბახტაძე
„მოდით მოვლენებს წინ არ გავუსწროთ,“ - ამ განცხადებით, საქართველოს პრემიერ-მინისტრმა, ჯანდაცვის მინისტრის შესაძლო გადაყენებასთან დაკავშირებით დასმულ კითხვას უპასუხა.
მამუკა ბახტაძემ არც უარყო და არც დაადასტურა ინფორმაცია იმის შესახებ, რომ დავით სეერგენკო თანამდებობას დატოვებს. თუმცა მთავრობის მეთაური ამბობს, რომ გუნდში ახალი სისხლია საჭირო და ამის შესახებ "ქართულმა ოცნებამ" არაერთხელ განაცხადა.
„რატომ ფიქრობთ, რომ სერგეენკოს დაუძველდა შეხედულებები? ახალი სისხლი ყოველთვის საჭიროა ყველგან, ჩვენ ამას მხოლოდ მივესალმებით, ორიენტირებულები ვართ პროგრესზე და ახალი სისხლი რომ საჭიროა, ამ პრინციპზე მთელი გუნდი ვთანხმდებით. რაც შეეხება დათო სერგეენკოს, მე მინდა გავიმეორო ის, რაც განვაცხადე. დათო ჩვენი გუნდის ერთგული წევრია, ასე იყო და მუდმივად ასე იქნება. რაც შეეხება საკადრო გადაადგილებებს, მოდი, ნუ გავასწრებთ მოვლენებს. მე გპირდებით, რომ პირველი თქვენ გაიგებთ საკადრო გადაადგილებების შესახებ. ასეთ გადაწყვეტილებებს ყოველთვის ვიღებთ კონსულტაციების შედეგად, რაც შეეხება მთავრობის წევრებს, გადაწყვეტილებებს ვიღებ მე, როგორც საქართველოს პრემიერ-მინისტრი - საკადრო გადაწყვეტილებას დღეს მე არ ვიღებ. როცა ასეთ გადაწყვეტილებას მივიღებთ, ყველაფერზე გვექნება საუბარი. ხომ მარტივია? რატომ გიყვართ ყოველთვის სიტუაციის გაზვიადება? მე ჩემს კაბინეტში ასეთი მუშაობის წესები ნამდვილად არ მაქვს დალაგებული, მინდა გითხრათ, რასაც თქვენ ბრძანებთ“, - განაცხადა ბახტაძემ.
რაც შეეხება გავრცელებულ ინფორმაციას იმის შესახებ, რომ თანამდებობას თავად პრემიერიც დატოვებს და მას ვიცე-პრემიერი და ინფრასტრუქტურის მინისტრი მაია ცქიტიშვილი შეცვლის, მამუკა ბახტაძე აღნიშნულ ინფორმაციას ჭორს უწოდებს.
შეგახსენებთ, რომ თავად დავით სეერგეენკომ არ უარყო ინფორმაცია იმის შესახებ, რომ მისი გადაყენება იგეგმება. მან თქვა, რომ ეს პრემიერის პრეროგატივაა და განცხადების გაკეთებას სწორედ მას უთმობს.