უკან
პოლიტიკა
20 აგვისტო, 2018 12:40
გურიის ახალი გუბერნატორი „ქართული ოცნების“ შემომწირველი და მხარდამჭერი ზურაბ ნასარაია გახდა - რუსთავი 2
გურიის ახალი რწმუნებული ზურაბ ნასარაია გახდა.
,,რუსთავი 2“ -ის ინფორმაციით, ნასარაია რკინიგზის პროფესიული კავშირის თავმჯდომარე იყო და პრემიერ-მინისტრი მამუკა ბახტაძე მას სავარაუდოდ, სწორედ რკინიგზაში მუშაობის პერიოდიდან იცნობს.
ამასთან, ტელეკომპანიის ინფორმაციით, ნასარაია „ქართული ოცნების“ აქტიური შემოწირველიცაა. 2013 წელს მას პარტიისთვის 6000 ლარი აქვს შეწირული. უფრო ადრე კი ნასარაია პარტია "საქართველოს მოქალაქეთა" კავშირის წევრი იყო.
აღსანიშნავია, რომ პრემიერ-მინისტრის მიერ ახალი რწმუნებულების წარდგენამდე 1 საათით ადრე გურიის გუბერნატორმა თანამდებობა მოულოდნელად დატოვა.