საზოგადოება

გუშინ ერთი აბიტურიენტი გამოცდიდან მოიხსნა - მაია მიმინოშვილი

დღეს, ერთიანი ეროვნული გამოცდების მეორე დღეა. აბიტურიენტები დღესაც გამოცდას ქართულ ენასა და ლიტერატურაში ორ ნაკადად ჩააბარებენ.

სტუდენტის სტატუსისთვის დღეს, 18 ათასი ახალგარზდა იბრძოლებს.

გამოცდების ეროვნული ცენტრის ხელმძღვანელმა მაია მიმინოშვილმა მედიასთან გუშინდელი დღე შეაჯამა და აღნიშნა, რომ ერთი აბიტურიენტი იქნა მოხსნილი გამოცდებიდან, რადგან მას მობილური ტელეფონი აღმოუჩინეს.

„დაახლოებით 3% არ გამოცხადდა დღეს. სამწუხაროდ, ერთი შემთხვევა გვაქვს გუშინ, მეორე ნაკადზე ერთი აბიტურიენტი გამოცდიდან მოიხსნა მობილური ტელეფონის გამო. ასევე, მოიხსნა გორის საგამოცდო ცენტრიდან მეთვალყურე და კურატორი იმის გამო რომ წესები არ შეასრულეს დადგენილი წესებით, რომელიც მათთვის სავალდებულოა. დანარჩენ საგამოცდო ცენტრებში პროცესი მშვიდ ვითარებაში მიმდინარეობს“,-აღნიშნა მიმინოშვილმა.

ერთიანი ეროვნული გამოცდები 6 ივლისს ზოგადი უნარების გამოცდით განახლდება.

მონიკა დავლიანიძე