უკან
სამართალი
2 ივნისი, 2018 12:05
გუშინ ფილარმონიასთან გამართულ აქციაზე დაკავებული 4-ვე პირი გაათავისუფლეს
გუშინ, თბილისის ფილარმონიასთან გამართულ აქციაზე დაკავებული 4-ვე პირი ხელწერილის საფუძველზე გაათავისუფლეს.
სამართალდამცველებმა ფილარმონიასთან აქციის ოთხი მონაწილე ადმინისტრაციული წესით – 166-ე და 173-ე მუხლებით დააკავეს, რაც წვრილმან ხულიგნობასა და პოლიციელისადმი დაუმორჩილებლობას გულისხმობს. კიდევ 7 პირი გამოკითხვაზე გადაიყვანეს.
აღნიშნული აქცია გურამ ქართველიშვილის ორგანიზებით ჩატარდა. ქართველიშვილი შექმნილი მდგომარეობა გააპროტესტა და მოუწოდა „საზოგადოების სუფთა ნაწილს“, გამიჯნულიყო თბილისის პარლამენტთან გამართულ აქციას და ფილარმონიასთან შეკრებილიყო. მან განმარტა, რომ მისთვის მიუღებელია, რომ ხორავას ქუჩაზე მოკლული მოზარდის მამის, ზაზა სარალიძის გვერდით ნაციონალური მოძრაობის წევრები დგანან. მას შეუერთდა „ქართული მარში“.