პოლიტიკა

გუშინ ხეობიდან სახელმწიფოს ძალოვანი უწყების თანამშრომელი ქისტი მირეკავს და მეუბნება, შენ თუ ქისტი ხარ, რატომ დგახარ პარლამენტთან, აიღე სისხლიო - მალხაზ მაჩალიკაშვილი

პანკისის ხეობაში სუს-ის სპეცოპერაციის შედეგად მოკლული თემირლან მაჩალიკაშვილის მამის, მალხაზ მალაჩიკაშვილის განცხადებით, ხელისუფლება მის პროვოკაციაზე წამოგებას ცდილობს. ამის შესახებ მაჩალიკაშვილმა სასამართლო სხდომაზე თქვა.

„ყველაზე ცუდი კიდევ ის არის, თუ როგორ ცდილობენ ჩემს პროვოკაციაზე წამოგებას. გუშინ ხეობიდან სახელმწიფოს ძალოვანი უწყების თანამშრომელი ქისტი მირეკავს და მეუბნება, შენ თუ ქისტი ხარ, რატომ დგახარ პარლამენტთან, აიღე სისხლიო. როდესაც ასე არეკინებინებენ პოლიციელს, ეს არაადამიანობააა. მეუბნებიან, თუ ვაჟკაცი ხარ, მანდ რატომ ტირიხარო. ჯერ ერთი, მე არ ვტირი და მეორეც, მე საქართველო მიყვარს", - განაცხადა მალხაზ მაჩალიკაშვილმა.

თემირლან მაჩალიკაშვილის მშობლები სახელმწიფო უსაფრთხოების სამსახურს უდანაშაულობის პრეზუმფციის დარღვევისთვის უჩივიან.