პოლიტიკა

გვსურს, რომ მეტი კონტროლი არსებობდეს შავი ზღვის აკვატორიის აფხაზეთის ნაწილში - ირაკლი სესიაშვილი

,,ქართული ოცნების’’ წევრი, ირაკლი სესიაშვილი ნატო-ს უკანასკნელ მინისტერიალზე მიღებულ გადაწყვეტილებას გამოეხმაურა, რომლის თანახმადაც, ალიანსის 6 წევრი-ქვეყანა შავი ზღვის რეგიონში სამხედრო ძალების კონტინგენტის გაძლიერებაზე.

,,წინასწარ დღეს საუბარი კონკრეტულ ღონისძიებებზე, გეგმებზე, ძალიან რთულია, იმიტომ, რომ თავად ნატო არის ზუსტად ამ პროცესში და ემზადება, რომ ერთგვარი ტრანსფორმაცია მოახდინოს შავი ზღვის უსაფრთხოების კონცენფციის. ამ პროცესში, რა თქმა უნდა, ჩვენ გვაქვს პირდაპირი ინტერესი. გარდა იმისა, რომ ჩვენ შავი ზღვის აკვატორიის ქვეყანა ვართ, ჩვენი ტერიტორიები ოკუპირებულია და შესაბამისად, ჩვენ გვსურს, რომ მეტი კონტროლი არსებობდეს შავი ზღვის აკვატორიაში აფხაზეთის ნაწილში’’, - განუცხადა ჟურნალისტებს ირაკლი სესიაშვილმა.

ნინო ექვთიმიშვილი