უკან
უახლესი ამბები
არქივი
მსოფლიო
18 ივნისი, 2018 15:05
იაპონიაში ძლიერი მიწისძვრის შედეგად სულ მცირე 3 ადამიანი დაიღუპა, ხოლო 200-ზე მეტი კი დაშავდა
იაპონიის ქალაქ ოსაკას ჩრდილოეთით ძლიერი მიწისძვრის შედეგად სულ მცირე 3 ადამიანი დაიღუპა, ხოლო 200-ზე მეტი კი დაშავდა.
დაღუპულთა შორის იყო 9 წლის გოგო, რომელსაც სკოლაში კედელი დაეცა.
რამდენიმე ადამიანი ლიფტში გაიჭედა, ხოლო გზები გაიხლიჩა დაზიანებული მილებით, რომლიდანაც წყალი ჟონავდა.
დაახლოებით 170 000 სახლი დენის გარეშე დარჩა, ხოლო 100 000-მდე სახლს გაზმომარაგება შეუწყდა.
ბიძგები იგრძნობოდა კიოტოს, ნარას, ჰიოგოსა და შიგას პრეფექტურებში.
იაპონიის მეტეოროლოგიურმა სააგენტომ გააფრთხილა, რომ მომდევნო დღეებში მოსალოდნელია მორიგი ძლიერი მიწისძვრა.
6.1 მაგნიტუდის სიმძლავრის ბიძგებს არ გამოუწვევია ცუნამის საფრთხე, ხოლო ატომური ელექტროსადგურები ჩვეულებრივად მუშაობენ.