მსოფლიო

იაპონიაში წყალდიდობასა და მეწყერს სულ მცირე 141 ადამიანის სიცოცხლე ემსხვერპლა

იაპონიის დასავლეთში ძლიერი წვიმებით გამოწვეული წყალდიდობისა და მეწყრის შედეგად სულ მცირე 141 ადამიანი დაიღუპა. ამის შესახებ იაპონიის მთავრობა იუწყება. ეს ყველაზე დიდი მსხვერპლია, რომელმაც ნალექმა გამოიწვია ბოლო 30 წლის განმავლობაში.

ათობით ადამიანი დაკარგულად ითვლება. მაშველები გადარჩენილებს ეძებენ. დაახლოებით 2 მილიონი ადამიანია ევაკუირებული სტიქიის ზონიდან.

ხელისუფლებამ სტიქიით დაზარალებულთათვის სკოლები და გიმნაზიები გახსნა.

ჯერ კიდევ არსებობს მეწყრის საშიშროება.

იაპონიის პრემიერ-მინისტრმა შინძო აბემ გააუქმა საზღვარგარეთ დაგეგმილი ყველა შეხვედრა წყალდიდობით განპირობებული კრიზისის გამო.

სამაშველო ოპერაციაში 70 000-ზე მეტი ადამიანი ჩართული, მათ შორის სახანძრო სამსახურის თანამშრომლები და ჯარი.

წყალდიდობის შესახებ ჯერ კიდევ აფრთხილებენ სტიქიისგან ყველაზე მეტად დაზარალებულ ადგილებში, მათ შორის ოკაიამას პრეფექტურაში, რომელიც იაპონიის სამხრეთ ნაწილში მდებარეობს.