უკან

უახლესი ამბები

დღის კალენდარი

ანონსები

არქივი

საზოგადოება

14 სექტემბერი, 2018 12:30
font-size

იბერია ტვ-ის მფლობელებს სთავაზობდნენ, ბიძინა ივანიშვილის გარემოცვისთვის სამი მილიონი გადაეცათ - რუსთავი 2 ახალ ჩანაწერს ავრცელებს

„იბერიას“ საქმესთან დაკავშირებით „კურიერმა“ კიდევ ერთი სკანდალური ფარული ჩანაწერი მოიპოვა, სადაც ტელეკომპანიის მფლობელებს პრობლემების მოგვარებისთვის სთავაზობენ, რომ ბიძინა ივანიშვილის გარემოცვას სამი მილიონი მისცენ.

რუსთავი 2-ის ინფორმაციით, სანდო წყაროს მიერ „კურიერისთვის“ მიწვდილ აუდიოჩანაწერში სახელმწიფო დაცვის სპეციალური სამსახურის უფროსის, ანზორ ჩუბინიძის და ფინანსთა ყოფილი მინისტრის, დიმიტრი ქუმსიშვილის გვარები ისმის.

დღეს გამოქვეყნებულ ჩანაწერში კვლავ საქართველოს რკინიგზის სამეთვალყურეო საბჭოს წევრი, ლევან ყიფიანი და „ომეგა ჯგუფის“ მფლობელი ზაზა ოქუაშვილი საუბრობენ.

ირკვევა, რომ ყიფიანი ოქუაშვილთან წინადადებათა პაკეტით ხელისუფლების სახელით არის მისული.

რკინიგზის სამეთვალყურეო საბჭოს წევრი ლევან ყიფიანი ბიძინა ივანიშვილის დაცვის ყოფილ უფროსსა და ამჟამად სახელმწიფო დაცვის სპეციალური სამსახურის ხელმძღვანელს ანზორ ჩუბინიძეს ახსენებს, როგორც მათ გულშემატკივარს. ასევე ყოფილ ვიცე-პრემიერს, დიმიტრი ქუმსიშვილს.

აუდიოჩანაწერში ყიფიანი და ოქუაშვილი საუბრობენ სამ მილიონზე, რომლიდანაც ნაწილი ბიუჯეტში უნდა შეიტანონ, ნაწილი კი კონტრიბუციის სახით უნდა გადაიხადოს „ომეგა ჯგუფმა“:

„ლევან ყიფიანი - ესე იგი ხო გითხარი ჩარეული ჰყავთ ანზორი, ანზორი არის ბიძინას დაცვის უფროსი იყო ერთ-ერთი არასაუწყებო დაცვის... ავტორიტეტია რა, ერთ-ერთი წამყვანი ფიგურა, ის კაცი იძახის რო, კიდე გამიმეორა, მაგათი გაჩერება რომ ნდომებოდათო აქამდე გაჩერდებოდაო ქარხანა პროსტა პრინციპულადო. ახალი პრემიერი მოსულია, უნდობლობა გაიჩითაო კომპანიას შორისო ის დარჩაო... რა, კუდებიო... ქუმსიშვილის კუდიო რაღაცაო...ეს სიტუაცია იმდენად არეული არიო რო ნდობის პონტშიო... მე ვუთხარი მაგიტომ ჩავერიეო რომ ნდობის მომენტი აღდგეს მეთქი რა. ბიუჯეტში შევიტანოთ მილიონი.

ზაზა ოქუაშვილი - ერთი მილიონი და ორნახევარი მილიონი მთლიანად.

ლევან ყიფიანი - ხო

ზაზა ოქუაშვილი - მარა სამმილიონ ნახევარი დარჩა კონტრიბუშენი მაინც. ეს კონტრიბუშენი?...

ლევან ყიფიანი - ფული უნდა გავანაწილოთ რა... ფულზე, ანზორაზე, ჩემი მეგობარია და...

ზაზა ოქუაშვილი - ვინ არის ეს ანზორი ესე იგი თავდაცვის უფროსი, ივანიშვილის.

ლევან ყიფიანი - რომელიც გვბალეშიკობს ჩვენ. დაცვის უფროსი იყო, იყო...ეხლასახელმწიფო დაცვის უფროსია რა... მაგას ეხება აეროპორტების დაცვები ისა ისა... რა. მინისტრია რა.

ზაზა ოქუაშვილი - მინისტრია.

ლევან ყიფიანი - მთელი სახელმწიფო დაცვები მაგის ხელშია.“

შეგახსენებთ, რომ ტელეკომპანია ,,იბერიასთან“ დაკავშირებული ეს უკვე მესამე სკანდალური აუდიოჩანაწერია, რომელშიც ზაზა ოქუაშვილი და ლევან ყიფიანი საუბრობენ.

დიპლომატიური კორპუსის წარმომადგენლები ტურისტულ სექტორში არსებულ ვითარებას გაეცნენ

27 ივნისი, 2019 , 16:50

საქართველოს ტურისტულ სექტორში არსებულ ვითარებას დიპლომატიური კორპუსის წარმომადგენლები გაეცნენ. საგარეო საქმეთა სამინისტროში სხვადასხვა ქვეყნის ელჩებთან გამართულ შეხვედრას საქართველოს ეკონომიკის მინისტრის მოადგილე ნიკოლოზ

USAID-ის ახალი პროგრამით სარგებელს ასობით ბენეფიციარი მიიღებს - გარემოს დაცვისა და სოფლის მეურნეობის სამინისტრო

27 ივნისი, 2019 , 15:49

გარემოს დაცვისა და სოფლის მეურნეობის სამინისტროში ამერიკის შეერთებული შტატების საერთაშორისო განვითარების სააგენტოს სოფლის მეურნეობის პროგრამის პრეზენტაცია გაიმართა. როგორც „მედიანიუსს“ გარემოს დაცვისა და სოფლ

ტექნიკური უნივერსიტეტის სერტიფიცირების ცენტრი გაზის სექტორისთვის კვალიფიციურ პერსონალს მოამზადებს

27 ივნისი, 2019 , 12:38

„დღეს მნიშვნელოვანი სიახლეა ის, რომ გვაქვს შესაძლებლობა გავხსნათ სერტიფიცირების ცენტრი, სადაც გაზის მეურნეობისა და გაზის სადისტრიბუციო კომპანიებისთვის მომზადდება კვალიფიციური პერსონალი. საფრთხე, რომ ჩვენს ოჯახებში

გაზის მოხმარების უსაფრთხოებისთვის მთელი რიგი რეგულაციები სავალდებულო ხასიათს შეიძენს - ნათია თურნავა

27 ივნისი, 2019 , 12:15

„იმისთვის, რომ ჩვენი მომხმარებლისთვის გაზის მოხმარება იყოს უსაფრთხო, მომზადებულია საკანონმდებლო ცვლილებების პაკეტი, რომელიც ექსპერტიზას გადის სხვადასხვა უწყებებში და მალე წარედგინება პარლამენტს“ - ამის შესახე

მოსახლეობას გაზგამანაწილებელი კომპანიების სერტიფიცირებული სპეციალისტები მოემსახურებიან - ნათია თურნავა

27 ივნისი, 2019 , 12:15

საცხოვრებელ სახლებში ბუნებრივი აირის დანადგარების მონტაჟის სპეციალისტები საქართველოს ტექნიკური უნივერსიტეტის ბაზაზე გაივლიან მომზადება-გადამზადებას და შესაბამის სერთიფიკატებს მიიღებენ, - ამის შესახებ განცხადება გაკეთდა ს

ჩემთვის გაუგებარია, საიდან წარმოიშვა მითი, რომ მწერლის სახლი უქმდება - ირმა რატიანი

27 ივნისი, 2019 , 12:15

„მწერლის სახლი“ ყოველთვის იყო და დარჩება მწერლების სახლად, გაძლიერებული ფუნქციებით და რესურსებით“, - აცხადებს „ლიტერატურის ეროვნული ფონდის“ დირექტორი ირმა რატიანი და გაუგებარს უწოდებს გავრცე

ვიდეო გალერეა

`მოღალატე ივანიშვილმა და გახარიამ პასუხი უნდა აგონ ქვეყნისა და კანონის წინაშე` - ზაზა ოქუაშვილის პოზიცია ლონდონიდან, გადაცემაში `360 გრადუსი`