საზოგადოება

ილია მეორეს ჯანმრთელობის პრობლემა აქვს

საქართველოს კათალიკოს- პატრიარქს ჯანმრთელობის პრობლემა აქვს.

ილია მეორის პირადი ექიმის, ცისანა შარტავას ინფორმაციით, პატრიარქს სახის ნერვის ანთება დაუდგინდა, რაც გაციებამ და იმუნიტეტის დაქვეითებამ გამოიწვია.

,,მიზეზი არის გაციების ფონზე და იმუნიტეტის დაქვეითების ფონზე განვითარებული სახის ნერვის ანთება. დამატებითი განსაკუთრებული მკურნალობა მას არ სჭირდება, უბრალოდ ექიმების - ნევროპათოლოგის, ინფექციონისტის და კარდიოლოგების კომპლექსური მეთვალყურეობა სჭირდება. მდგომარეობის გართულება გამორიცხულია“, - აცხადებს ცისანა შარტავა ტელეკომპანია ,,იბერიასთან“ საუბარში.