უკან
პოლიტიკა
24 მაისი, 2016 18:35
იმდენად განვითარდა საქართველოს შეიარაღებული ძალები, განსხვავებას ვერ ვხედავდი ქართველ და ამერიკელ სამხედროებს შორის - იან კელი
საქართველოში ამერიკის შეერთებული შტატების ელჩის იან კელის განცხადებით, ქართული შეიარაღებული ძალები იმდენად განვითარდა, რომ ამერიკელ და ქართველ სამხედროებს შორის განსხვავება არ იგრძნობა. ამის მაგალითად ჟურნალისტებთან საუბრისას, იან კელიმ სამხედრო წვრთნები „ღირსეული პარტნიორი“ დაასახელა, რომელიც დღეს საზეიმოდ დაიხურა.
,,ამ დილით ჩემზე დიდი შთაბეჭდილება მოახდინა წვრთნებმა, რომელიც ჩატარდა საქართველოს, ამერიკის შეერთებული შტატებისა და ბრიტანეთის სამხედრო მოსამსახურეების მონაწილეობით. მე განსხვავებას ვერ ვხედავდი ქართველ და ამერიკელ სამხედროებს შორის, იმდენად გაუმჯობესდა ამ ორი ქვეყნის მოსამსახურეთა თავსებადობა. ეს არის ნამდვილი მახასიათებელი იმისა, თუ რამდენად განვითარდა საქართველოს შეიარაღებული ძალები“, - განაცხადა იან კელიმ.
მარი ნამგალაძე