უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
კომენტარი
ირაკლი ბათიაშვილის საქმეზე სტრასბურგის გადაწყვეტილება არის გაკვეთილი ყველა ხელისუფლებისთვის - გიგა ბოკერია
ირაკლი ბათიაშვილის საქმეზე სტრასბურგის სასამართლოს გადაწყვეტილება არის გაკვეთილი ყველა ხელისუფლებისთვის, რომ იმ საქმეშიც კი, სადაც ძალიან მყარი მტკიცებულებებია, არ უნდა მოიქცე ასე მიკერძოებულად, – ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ განაცხადა.
„დიახ, ბათიაშვილის საქმეზე დადგინდა უდანაშაულობის პრეზუმფციის და პროცესში მიუკერძოებლობის დარღვევა ფირის გამო, რომელიც გაუშვა მაშინ სახელმწიფომ ეთერში. დიახ, ეს ფირი სახელმწიფომ მიაწოდა „რუსთავი 2“-ს. ეს არის გაკვეთილი ყველა ხელისუფლებისთვის, რომ იმ საქმეშიც კი, სადაც ძალიან მყარი მტკიცებულებებია (და რაც ამ გადაწყვეტილებამ აჩვენა, სხვა საკითხებში ბათიაშვილმა ვერ მოიგო საქმე), არ უნდა მოიქცე ასე მიკერძოებულად, ნებისმიერ ეტაპზე. არ უნდა დაამონტაჟო ფირი, როცა ის შეიცავს მტკიცებულებებს, სრულფასოვნად უნდა მიაწოდო. წინააღმდეგ შემთხვევაში, აჩვენებს ეს ხელისუფლების ჩარევას პროცესში. ეს გაკვეთილი უნდა იყოს ყველა ხელისუფლებისთვის. მე მიყვარს იმაზე ფოკუსირება, რაც ხელისუფლების ხელში იყო და რა შეცდომაც არ უნდა დაუშვა არასდროს“, – განაცხადა გიგა ბოკერიამ.
ამასთან, დეპუტატი ამბობს, რომ ირაკლი ბათიაშვილის საქციელზე აზრი არ შეუცვლია.
„ჩემი აზრი ბათიაშვილის საქციელზე საერთოდ არ შემიცვლია. იყო ამბოხი ქვეყნის წინააღმდეგ, როგორც შემდგომში გაირკვა, ჩვენს ჩრდილოელ მტერთან კოორდინაციაში, რადგან ყველას გვახსოვს, კვიციანი სად წავიდა – რუსეთში. იქ შეიფარეს. ბათიაშვილი ამ პროცესში მას კოორდინაციას უწევდა და რჩევებს აძლევდა, როგორ უნდა მოქცეულიყო და სახელმწიფოს დაუმალა კონკრეტული ინფორმაცია. ეს ფაქტები უდავოა, მაგრამ მართლმსაჯულება გულისხმობს, რომ ყველა ადამიანს, იქნება ეს ბათიაშვილი თუ კვიციანი, უნდა მოექცე კანონის შესაბამისად და არ შეიძლება, დაუშვა ამ შენი მოტივაციის გამო, რამე საკითხშიც კი ასეთი მანიპულაცია, რაც მოხდა იმ ფირთან დაკავშირებით. ეს არის ჩემთვის გაკვეთილი და ყველასთვის ასე უნდა იყოს“, – განაცხადა დეპუტატმა გიგა ბოკერიამ.
2019 წლის 10 ოქტომბერს ადამიანის უფლებათა ევროპულმა სასამართლომ საქმეზე „ბათიაშვილი საქართველოს წინააღმდეგ“ გადაწყვეტილება გამოაქვეყნა. საქმეზე ევროპულმა სასამართლომ დაადგინა სამართლიანი განხილვის უფლების დარღვევა (ევროპული კონვენციის მე-6 მუხლის მე-2 პუნქტი) და სახელმწიფოს მომჩივნის სასარგებლოდ მორალური ზიანის ანაზღაურების სახით 3,600 ევროს გადახდა დააკისრა.