პოლიტიკა

ირაკლი კობახიძეს ყველანაირი მონაცემი აქვს იმისთვის, რომ იყოს ძალიან კარგი პარლამენტის თავმჯდომარე - გიორგი კახიანი

,,ქართული ოცნება - დემოკრატიული საქართველოს’’ წევრი, გიორგი კახიანი გამოეხმაურა მედიაში გავრცელებულ ინფორმაციის იმის შესახებ, რომ პარლამენტის თავმჯდომარის თანამდებობაზე ირაკლი კობახიძის კანდიდატურა განიხილება.

,,პარლამენტის თავმჯდომარის კანდიდატურად აქტიურად განიხილება მედიასივრცეშიც ირაკლი კობახიძის კანდიდატურა.

ირაკლი არის ძალიან კომპეტენტური იურისტი, კონსტიტუციონალისტი, მე ვიტყოდი, რომ საქართველოში ერთ-ერთი საუკეთესო კონსტიტუციონალისტი. იგი არის სამართლის დოქტორი. მას გერმანიაში აქვს დაცული დისერტაცია. ასე რომ, მას ყველანაირი მონაცემი აქვს იმისთვის, რომ იყოს ძალიან კარგი პარლამენტის თავმჯდომარე’’, - განაცხადა დღევანდელ პრესკონფერენციაზე გიორგი კახიანმა.

ნინო ექვთიმიშვილი