პოლიტიკა
ირაკლი კობახიძის ენას ძვალი არ აქვს, შეიძლება ამ ადამიანმა ბევრ რამეზე ილაპარაკოს.. სისულელეებსა და აბსურდის ძახილს შეეშვით - გიორგი ვაშაძე
„ირაკლი კობახიძის ენას ძვალი არ აქვს. შეიძლება ამ ადამიანმა ბევრ რამეზე ილაპარაკოს“, - ამის შესახებ გაერთიანებული ოპოზიციის საპრეზიდენტო კანდიდატის, გრიგოლ ვაშაძის საარჩევნო შტაბის ხელმძღვანელმა, გიორგი ვაშაძემ განაცხადა. ის გამოეხმაურა პარლამენტის თავმჯდომარის, ირაკლი კობახიძის დღევანდელ ბრიფინგს
„მესმის, რომ „ქართული ოცნება“ თავს უკვე ოპოზიციაში გრძნობს. ბატონებო, თქვენ ხართ ალბათ ოპოზიციაში და ამიტომ აკეთებთ ამ აბსურდულ განცხადებებს. ჩვენ ვიდეო- და აუდიომასალით ვსაუბრობთ ნებისმიერ ამ დარღვევაზე. ირაკლი კობახიძის ენას ძვალი არ აქვს, შეიძლება ამ ადამიანმა ბევრ რამეზე ილაპარაკოს. ჩვენ გვაქვს ფაქტები და ვიდეოები. სისულელეებსა და აბსურდის ძახილს შეეშვით“, - განაცხადა ვაშაძემ.
პარლამენტის თავმჯდომარემ იმედი გამოთქვა, რომ „მაღალი აქტივობის ხარჯზე საკადრისი პასუხი გაეცემა იმ სიცრუეს, აგრესიასა და ძალადობას, რომელიც „ნაციონალური მოძრაობის“ მხრიდან მოედინება“.