უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ისნის ბაზრობის ადმინისტრაცია განცხადებას ავრცელებს - დაგვეხმარეთ მიყენებული ზიანის დათვლაში
ისნის ბაზრობის ადმინისტრაციამ ხანძრის შედეგად დაზარალებულ მოვაჭრეებთან შეხვედრის შემდეგ წერილობითი განცხადება გაავრცელა. შპს ტრანსსერვისის ინფორმაციით, ის უზრუნველყოფს ტერიტორიის გაწმენდასა და ჯიხურების აღდგენას გამოძიების დასრულებამდე.
„შპს ტრანსსერვისი გამოძიების დასრულებამდე ნებაყოფლობით, საკუთარი ხარჯით უზრუნველყოფს ტერიტორიის გაწმენდას და იმ ჯიხურების აღდგენას, რომლებიც განადგურდნენ 2017 წლის 19 ივლისს გაჩენილ ხანძრის შედეგად“, - წერია განცხადებაში.
ადმინისტრაცია მოუწოდებს დაზარალებულ მოვაჭრეებს, დროულად აღწერონ ქონება, რათა დაეხმარონ მიყენებული ზიანის დათვლაში.
„აღნიშნულთან დაკავშირებით მოგიწოდებთ, აქტიურად ჩაერთოთ პროცესში, დროულად აღწეროთ ქონება და შეაფასებინოთ მიყენებული ზიანი, მიიღოთ მონაწილეობა ქონების გადარჩევაში, ჯიხურებისა და მიმდებარე ტერიტორიის დასუფთავებაში, გადარჩენილი ქონების გატანასა და ჯიხურების აღდგენაში, რაც მოგცემთ საშუალებას, უმოკლეს ვადაში შეძლოთ საქმიანობის გაგრძელება“, - ნათქვამია განცხადებაში.
ხანძარი ისნის ბაზრობაზე 19 აგვსტოს გამთენიისას გაჩნდა. დაიწვა 38 ჯიხური. მოვაჭრეებს ტერიტორიაზე შესვლის, საკუთარი საქონლის დათვალიერებისა და აღწერის ნება დღეს მისცეს.
ისნის ბაზრობაზე მომხდარ ხანძართან დაკავშირებით შინაგან საქმეთა სამინისტრომ გამოძიება დაიწყო. უწყების ინფორმაციით, გამოძიება 187-ე მუხლით არის დაწყებული, რაც სხვისი ნივთის დაზიანებას გულისხმობს.
ანა მებურიშვილი