უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
ისრაელში გამართულ ვიზიტს აუცილებლად ექნება კონკრეტული შედეგები - გიორგი კვირიკაშვილი
ისრაელში გამართული ვიზიტი ნაყოფიერი იყო და აუცილებლად ექნება კონკრეტული შედეგები, - განაცხადა პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე.
პრემიერ-მინისტრმა ისრაელში ვიზიტი შეაჯამა და აღნიშნა, რომ ეს იყო ძალიან მნიშვნელოვანი ვიზიტი.
მისივე თქმით, ვიზიტის ფარგლებში, შედგა შეხვედრები ისრაელის პრემიერ-მინისტრ ბენიამინ ნეთანიაჰუსთან, ასევე პრეზდენტ რუვენ რივლინთან, ქნესეთის თავმჯდომარე იული ედელშტეინთან. პრემიერის შეფასებით, ასევე, ძალიან მნიშვნელოვანი შეხვედრა გაიმართა იერუსალიმისა და პალესტინის პატრიარქთან თეოფილოს მესამესთან.
„ვფიქრობთ, რომ ამ ვიზიტს ძალიან მნიშვნელოვანი შედეგები მოჰყვება. საუბარი გვქონდა ისრაელთან ორმხრივი ურთიერთობის არაერთ მიმართულებაზე. ისრაელს გააჩნია მსგავსი გამოწვევები უსაფრთხოების კუთხით და ისრაელმა შეძლო ნამდვილად დროის მოკლე მონაკვეთში ძლიერი სახელმწიფო აეშენებინა. ჩვენ ვფიქრობთ, რომ გამოცდილება, რომელიც არსებობს, აუცილებლად გამოსაყენებელია და ჩვენ დღეს გვაქვს ძალიან ნაყოფიერი თანამშრომლობა განათლების, ჯანდაცვის, სოფლის მეურნეობის, უსაფრთხოების, ინოვაციების განვითარების კუთხით. თითოეული ამ მიმართულებით დაიგეგმა კონკრეტული აქტივობები“, - განაცხადა კვირიკაშვილმა.
მისივე თქმით, შემოდგომაზე შედგება ეკონომიკური თანამშრომლობის მთავრობათაშორისი კომისიის სხდომა საქართველოში და ასევე გიორგი კვირიკაშვილმა ისრაელის პრემიერ-მინისტრი ნეთანიაჰუ საქართველოში მოიწვია.
„მოგეხსენებათ, რომ დღევანდელ მსოფლიოში ბატონი ნეთანიაჰუ გახლავთ ერთ-ერთი გამორჩეული პოლიტიკური ლიდერი და მისი ჩამოსვლა ბიზნესდელეგაციასთან ერთად, ვფიქრობ, რომ იქნება ძალიან მნიშვნელოვანი სტიმული ორმხირვი ეკონომიკური ურთიერთობების განვითარების კუთხით. დაპატიჟება იქნა მიღებული და ჩვენ უნდა ველოდოთ ვიზიტს, რომელიც ვფიქრობთ, სრულიად ახალ ბიძგს მისცემს ჩვენს ორმხრივ ურთიერთობებს“, - განაცხადა კვირიკაშვილმა.
მისივე თქმით, ასევე ვიზიტის დროს გაიმართა შეხვედრა ქართველ ებრაელებთან.
„გაიმართა ძალიან თბილი და ამავე დროს საქმიანი შეხვედრა. ვფიქრობთ, რომ ეს ადამიანები, რომლებსაც ჩვენს ქვეყანასთან ძალიან ბევრი რამ აკავშირებთ, არის ასევე ძალიან მნიშვნელოვანი რესურსი ორმხრივი ურთიერთობების განვითარების კუთხით. მათ დიდი სურვილი აქვთ, რომ ჩაერთონ ინვესტიციების კუთხით, ასევე სხვადასხვა მიმართულებით. ვფიქრობთ, რომ ნაყოფიერი ვიზიტი იყო და აუცილებლად ექნება კონკრეტული შედეგები“, - განაცხადა კვირიკაშვილმა.