უკან

უახლესი ამბები

დღის კალენდარი

ანონსები

არქივი

პოლიტიკა

10 ივლისი, 2018 14:05
font-size

ჟურნალისტური გამოძიების გარე შესყიდვაზე გატანა ბადებს ეჭვს - ადამიანის უფლებათა ცენტრი

„ადამიანის უფლებათა ცენტრი“ ეჭვობს, რომ საზოგადოებრივი მაუწყებლის მიერ „გამომძიებელი რეპორტიორის“ გარე შესყიდვებზე გატანა უკავშირდება ხორავას ქუჩაზე მოზარდების მკვლელობის საქმეზე გადაღებულ საგამოძიებო ფილმს „სისხლში მოსვრილი ბიჭები ხორავას ქუჩიდან“.

„ადამიანის უფლებათა ცენტრი ეხმიანება საზოგადოებრივი მაუწყებლის ვებ-გვერდზე გამოქვეყნებულ სსიპ „საზოგადოებრივი მაუწყებლის“ 2018-2021 წლების პროგრამული პრიორიტეტების შესახებ პროექტს, კერძოდ - 3.2 პუნქტს, რომლის თანახმად, ჟურნალისტური გამოძიება „გამომძიებელი რეპორტიორი“ გადის გარე შესყიდვაზე და ამის საფუძვლად მითითებულია, რომ არ უნდა ხდებოდეს ჟურნალისტური გამოძიების წარმოება მხოლოდ გახმაურებულ საქმეებზე.

„გამომძიებელი რეპორტიორის“ წარმომადგენლები ადასტურებენ, რომ ზემოთაღნიშნული პრიორიტეტების ცვლილებას წინ უძღოდა ხორავას ქუჩაზე გახმაურებული მოვლენების შესახებ გადაღებული საგამოძიებო ფილმი „სისხლში მოსვრილი ბიჭები ხორავას ქუჩიდან“, რომლის ეთერში გასვლას საზოგადოებრივი მაუწყებლისგან სხვადასხვა სახის წინააღმდეგობა შეხვდა. ამასთან, თავად საზოგადოებრივი მაუწყებლის მენეჯმენტმა უარყოფითად შეაფასა ფილმი, ეთერში მისი გაშვების საფუძვლად სახელმწიფო ინსტიტუციების ჩარევა დაასახელა და პარალელურად, ეთერში გაშვებამდე, თავად მიაწოდა სახელმწიფო ინსტიტუციებს ფილმის შიდასამუშაო, დაუსრულებელი ვერსია.

საყურადღებოა ის ფაქტიც, რომ სსიპ „საზოგადოებრივი მაუწყებლის“ 2018-2021 წლების პროგრამული პრიორიტეტების შესახებ პროექტის შემუშავებამდე, საზოგადოებრივი მაუწყებლის ტელევიზიის მენეჯმენტს ჟურნალისტური გამოძიების ჯგუფისთვის არ წარუდგენია „გამომძიებელი რეპორტიორის“ მუშაობის ანალიზი, სადაც უნდა ასახულიყო გადაცემის რეიტინგი, ე.წ. უკუშედეგი, გამოხმაურებები, კონკრეტული შედეგები, თუ რა მიღწევები ჰქონდა ჯგუფს ადამიანის უფლებების დაცვის კუთხით.

„გამომძიებელი რეპორტიორი“ წლების განმავლობაში არის საზოგადოებრივი მაუწყებლის ერთ-ერთი ყველაზე რეიტინგული გადაცემა. 2017 წელს ახალი მენეჯმენტის მიერ ჩატარებული კვლევის შედეგებით, ამ გადაცემას ჰქონდა რეიტინგის ყველაზე მაღალი მაჩვენებელი. ჯგუფი დაჯილდოებულია არაერთი საერთაშორისო პრიზით, მათ შორის: 2015 წელს - ევროკავშირის პრიზით ჟურნალისტიკაში საუკეთესო ჟურნალისტური გამოძიებისთვის; 2016 წელს - ჯიპა-ფრიდმანის კონკურსის გამარჯვებული; 2015 წელს - ციხის საერთაშორისო რეფორმის კონკურსის გამარჯვებული; 2017 წელს - ევროკავშირის მხარდაჭერით გამართული კონკურსის „საუკეთესო სატელევიზიო გადაცემა მომხმარებელთა უფლებებზე“ გამარჯვებული.

ადამიანის უფლებათა ცენტრს მიაჩნია, რომ საზოგადოებრივ მაუწყებელში როცა არსებობს ასეთი წარმატებული პროექტი, რომელიც მაღალრეიტინგულ პროდუქტს აწარმოებს, ჟურნალისტური გამოძიების გარე შესყიდვაზე გატანა ბადებს ეჭვს, რომ ეს შესაძლოა, იყოს გამომძიებელი ჟურნალისტების საქმიანობის წინააღმდეგ გადადგმული ნაბიჯი.

ადამიანის უფლებათა ცენტრი მხარდაჭერას უცხადებს „გამომძიებელ რეპორტიორს“, როგორც თავისუფალ, ობიექტურ მედიაპროდუქტს და მოუწოდებს საზოგადოებრივ მაუწყებელს, არ შეზღუდოს ჟურნალისტური გამოძიების საქმიანობა და უზრუნველყოს „გამომძიებელი რეპორტიორისთვის“ დამოუკიდებელი სამუშაო გარემოს შექმნა, რათა შეუფერხებლად შეძლოს ფუნქციონირება საზოგადოებრივი მაუწყებლის სივრცეში.

საზოგადოებრივი მაუწყებელი, როგორც თავისუფალი მედიის განმახორციელებელი ინსტიტუტი, ვალდებულია, დაიცვას როგორც მედიის, ასევე საზოგადოების ინტერესი. ამდენად, აუცილებელია, თავად საზოგადოებრივი მაუწყებლის სფეროში იყოს უზრუნველყოფილი ჟურნალისტური გამოძიების თავისუფლად ფუნქციონირება, რათა გამომძიებელმა ჟურნალისტებმა შეუფერხებლად გააგრძელონ საზოგადოებისათვის ობიექტური, სრულყოფილი, მიუკერძოებელი პროდუქტის მიწოდება“, - აცხადაებენ „ადამიანის უფლებათა ცენტრში“.

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ

დღეს ისე როგორც არასდროს საჭიროა ევროპული სოლიდარობის დემონსტრირება - საქართველოს საგარეო საქმეთა სამინისტრო

25 მარტი, 2020 , 22:42

საქართველოს საგარეო საქმეთა სამინისტრო ევროკავშირის დაარსებისთვის საფუძველის ჩაყრის 63 წლისთავთან დაკავშირებით განცხადებას ავრცელებს. "ზუსტად 63 წლის წინ, 1957 წლის 25 მარტს, ევროპის ქვეყნებმა რომის ხელშეკრულების ხელმოწე

არჩილ თალაკვაძესა და ადამ კინზინგერს შორის სატელეფონო საუბარი გაიმართა

25 მარტი, 2020 , 11:25

საქართველოს პარლამენტის პრესსამსახური არჩილ თალაკვაძესა და ამერიკელ კონგერსმენ ადამ კინზინგერს შორის სატელეფონო საუბრის შესახებ ინფორმაციას ავრცელებს. როგორც საქართველოს პარლამენტის პრესსამსახურის ინფორმაციაშია ნათქვამი,