პოლიტიკა

კახა კალაძის ვიცე-მერისა და მოადგილეების ვინაობა დღეს, 15 საათზე გახდება ცნობილი

დღეს 15 საათზე თბილისის მერი კახა კალაძე ვიცე-მერსა და მერის მოადგილეებს დაასახელებს. ამის შესახებ კალაძემ ჟურნალისტებს თბილისის მერიაში განუცხადა.

არსებული ინფორმაციით, ვიცე-მერის თანამდებობას ენერგეტიკის მინისტრის ყოფილი მოადგილე ირაკლი ხმალაძე დაიკავებს, მერის მეორე მოადგილე კი გარემოს დაცვის მინისტრის ყოფილი მოადგილე მაია ბითაძე გახდება.

სავარაუდოდ, კახა კალაძის გუნდის წევრი იქნება ენერგეტიკის ყოფილი მინისტრი ილია ელოშვილი.

კალაძის ინფორმაციით, მერიის სამსახურის ხელმძღვანელების ვინაობა 15 ნოემბერს გახდება ცნობილი.

შეგახსენებთ, დედაქალაქის მერი კახა კალაძე დღეიდან, მერის უფლებამოსილების შესრულებას შეუდგა.