მსოფლიო
კარლეს პუიჩდემონი და კატალონიის დათხოვნილი მთავრობის 13 წევრი ესპანეთის სასამართლომ დაიბარა
ესპანეთის უმაღლესმა სასამართლომ ჩვენების მისაცემად დაიბარა კატალონიის ყოფილი ხელმძღვანელი კარლეს პუიჩდემონი და რეგიონის დათხოვნილი მთავრობის 13 წევრი. ისინი სასამართლოში ამ კვირაში უნდა გამოცხადდნენ.
გარდა ამისა, სასამართლომ მოითხოვა კატალონიის მთავრობის ყოფილი წევრებისგან გირაოს სახით 6.2 მილიონი ევროს შეტანას.
პუიჩდემონსა და კატალონიის მთავრობის ყოფილ წევრებს ბრალს სდებენ ამბოხის მოწყობაში.
ამჟამად რეგიონის ყოფილი ლიდერი რამდენიმე ექს-მინისტრთან ერთად ბელგიაში ნახეს, თუმცა მან განაცხადა, რომ ის არაა ჩამოსული თავშესაფრის საძებნელად.
ესპანეთის ცენტრალურმა მთავრობამ კატალონიაზე პირდაპირი კონტროლი ორშაბათს დაამყარა, რის გამოც დაითხოვა მთავრობაც და პარლამენტიც. ეს მოხდა მას შემდეგ, რაც პუიჩდემონმა და ავტონომიური რეგიონის საკანონმდებლო ორგანომ კატალონიის დმაოუკიდებლობის შესახებ გამოაცხადეს.
ანა მებურიშვილი