უახლესი ამბები
- 17.04.2024 15:51სხვადასხვა ოლიგარქებზე გაფორმებული მთელი რუსული შავი სალარო შესაძლოა ვიხილოთ საქართველოში - გია ხუხაშვილი `ოცნების` ახალ კანონპროექტზე
- 17.04.2024 15:40პარლამენტმა, პირველი მოსმენით, 82 ხმით მხარი დაუჭირა “საგადასახადო კოდექსში“ ცვლილებებს
- 17.04.2024 14:54ამ პირობებში პარლამენტში ყოფნას ჩემთვის არც პოლიტიკური აზრი და არც მორალური გამართლება გააჩნია - გრიგოლ ვაშაძე
- 17.04.2024 13:30`საქართველოსთვის` დეპუტატებმა პროტესტის ნიშნად სხდომათა დარბაზი დატოვეს
- 17.04.2024 12:28ეს არის ტყუილი, რასაც ხელისუფლების წარმომადგენლები და მომხრეები ამბობენ - გოჩა მირცხულავა
- 17.04.2024 12:21საკუთარი ქვეყნის ხელისუფლებას უჩივის სხვა ქვეყნის ხელისუფლებაში -პაპუაშვილი პრეზიდენტზე
- 17.04.2024 12:14პირდაპირ ჩემ სახეზე გაატარეთ აწი ევროპა - აქციაზე დაშავებული ლევან ბუდაღაშვილი
- 17.04.2024 11:55ამდენი იმიტომ არ გვიბრძოლია დამოუკიდებლობისა და ევროინტეგრაციისთვის, რომ ვინმე უცხოელმა ჩემს ქვეყანას ისევ „ვარდების რევოლუციისკენ“ მოუწოდოს - მაია ბითაძე
- 17.04.2024 11:34ლევან იოსელიანმა აქციაზე დაკავებულები მოინახულა
არქივი
პოლიტიკა
ხელისუფლება მონარქიის თემით საკონსტიტუციო ცვლილებებისგან ყურადღების გადატანას ცდილობს - გირჩი
პოლიტიკური პარტია „გირჩი“ სოციალურ ქსელში გამოეხმაურა საქართველოს კათოლიკოს-პატრიარქის, ილია მეორის წინადადებას, რომლის მიხედვით, საქართველოში საკონსტიტუციო მონარქია უნდა დამყარდეს.
„გირჩის“ თქმით, მონარქიაზე საუბარი არააა მიზანშეწონილი, რადგან ეს წყობა იყო „ბნელი და უსამართლო“ პერიოდი კაცობრიობის ისტორიაში.
პარტიამ ყურადღება გაამახვილა მთავრობის სწრაფ რეაქციაზე პატრიარქის ინიციატივაზე. გირჩის აზრით, მონარქიის თემით ხელისუფლება ცდილობს, საკონსტიტუციო ცვლილებების საკითხი გადაფაროს.
„მართლმადიდებელი ეკლესიის წინამძღვრისგან მონარქიის აღდგენის შესახებ ხშირად გვესმის. მოსაზრების ქონისა და თავისუფალი გამოხატვის უფლება აქვს საქართველოს ნებისმიერ მოქალაქეს და ყურადღების მიპყრობა ერთ-ერთი კონფესიის წარმომადგენლის განცხადებაზე იქნებოდა უადგილო, რომ არა ხელისუფლების წარმომადგენლების რეაქცია.
ჩვენ არ შევდივართ მონარქიის მიზანშეწონილობის განხილვაშიც კი. მიგვაჩნია, რომ მონარქია არის კაცობრიობის ისტორიის ერთ-ერთი ყველაზე ბნელი და უსამართლო პერიოდი. პერიოდი, რომლის დროსაც ქვეყნის ყველაზე ძლიერი ოჯახი, რელიგიურ ინსტიტუტებთან თანამშრომლობითა და ხელშეწყობით, ხალხს უსაფუძვლოდ პრივილეგირებული კასტების არსებობის სამართლიანობაში არწმუნებდა.
ჩვენ შვილებს ვასწავლით, რომ საკუთარი ცხოვრების მეფეები თავად არიან. მომავალში ყველაფერი მათ შრომაზე, ნიჭსა და მონდომებაზე იქნება დამოკიდებული. ჩვენ ვერ და არ ავუხსნით ჩვენს შვილებს, რომ თურმე ადამიანები შეიძლება მეფეებად და ქვეშევრდომებად იყოფოდნენ და აქამდე ჩვენ ეს არ ვიცოდით.
პარლამენტის თავმჯდომარემ ჯერ ახალ კონსტიტუციაზე მომუშავე საკონსტიტუციო კომისიას უხელმძღვანელა წარმატებით, შემდეგ კონსტიტუციაში ჩასაწერი პოპულისტური და მავნე ინიციატივების გრძელი სიით ხელში, ოპოზიციასთან ერთად, ქვეყანა სახალხო განხილვების მოსაწყობად შემოიარა, პროექტი „გასაპრავებლად“ ვენეციის კომისიას გაუგზავნა და ისე, რომ ჯანი ბუკიკიოს დასკვნას გაციება არ აცადა, გამოაცხადა: მონარქიის აღდგენის შესახებ განცხადება ჭეშმარიტებააო. რაც ნიშნავს იმას, რომ დასაწერია ახალი კონსტიტუცია.
გვაქვს ეჭვი, რომ ხელისუფლებისთვის შეუძლებელია კონსტიტუციაში შესატანი მავნე და პოპულისტური ცვლილებების საჯაროდ არგუმენტირება, რაც მისთვის პროცესის პოლიტიკურ ფასს ყოველდღიურად ზრდის. ამ ფონზე ქვეყანაში მონარქიის დამყარების შესაძლებლობაზე ყურადღების გადატანას შეუძლია ხალხში იუმორის ნიაღვარი გამოიწვიოს და მათ კონსტიტუციის პროექტით დაგეგმილი საარჩევნო სისტემის ხელისუფლებაზე მორგება, მიწის ექსპროპრიაცია, გადასახადების შეუჩერებელი ზრდის თუ ადამიანის უფლებების შელახვის ახალი შესაძლებლობები დაავიწყოს“, - დაწერა „გირჩმა“ ფეისბუკის საკუთარ გვერდზე.
ანა მებურიშვილი