პოლიტიკა

ხორავას ქუჩაზე შექმნილმა საგამოძიებო კომისიამ ფაქტობრივად ვერ დაადასტურა მოხელეების მხრიდან დაშვებული გადაცდომები - გიორგი გახარია

შს მინისტრმა, გიორგი გახარიამ ხორაავს ქუჩის მკვლელობის საქმის გამოძიებაზე საუბრისას განაცხადა, რომ არ იცის, იყო თუ არა დაშვებული სამოხელეო გადაცდომები.

მან ასევე გააკრიტიკა ხორავას ქუჩის საქმეზე შექმნილი საპარლამენტო საგამოძიებო კომისიის, კერძოდ, მისი ოპოზიციონერი წევრების მუშაობა. მინისტრის მტკიცებით, კომისიამ თავისი ფუნქცია ვერ შეასრულა და იმის მაგივრად, რომ დაედგინა ამა თუ იმ მოხელის პასუხისმგებლობა, დაიწყო სისხლის სამართლებრივი დევნის განსაზღვრა.

გახარიას თქმით, თავისი მუშაობით ოპოზიციონერმა დეპუტატებმა კომისიის დისკრედიტირება მოახდინეს.

მინისტრის განცხადებას მოჰყვა უკმაყოფილო შეძახილები საპარლამენტო უმცირესობის მხრიდან. პარლამენტის თავმჯდომარემ ირაკლი კობახიძემ კი მათ მოუწოდა, გააგრძელებინონ მინისტრს პასუხის გაცემა.

„რაც შეეხება ხორავას თემას, ეს ალბათ უმძიმესი თემაა არა მხოლოდ პირადად ჩემთვის, ან შსს-სთვის, საერთოდ ქვეყნისთვის. აქ საუბარი ცოტა ვრცლად მოგვიწევს და აქ ამაზე ბევრი კითხვა იყო დასმული და არაა მარტივი ამ თემაზე საუაბრი.

არავის არ ეგონოს, რომ ვინმე ამ თემასთან დაკავშირებით პასუხისმგებლობას არ გრძნობს, ოღონდ ისიც კარგად უნდა გვესმოდეს, რომ პასუხისმგებლობის ზრღვარი თუ დავადგინეთ და დავიწყებთ ამ პასუხისმგებლობის პერსონალიზება, შესიძლება საკმაოდ სერიოზულ პრეობლემებს წავაწყდეთ.

როდესაც სახელწმიფომ აი აქ, ამ პარლამენტში კომისიის შექმნის გადაწყვეტილება მიიღო, აბსოლუტურად გულწრფელად გეტყვით, რომ პირადად მე ვფიქრობდი, რომ ეს კომისია იქნებოდა, არ ვამბობ ახლა პოლიტიკურ კონტექსტს , ამ კომისიას რამდენად შეეძლო, ხარისხობრივად განევითარებინა თუნდაც ჩვენი საპარლამენტო დემოკრატია, კარგი, დავანებოთ ამას თავი. მაგრამ კომისიას ჰქონდა პირდაპირი მანდატი, ემუშავა იმაზე, იყო თუ არა სახელწმიფო მოხელეების მხრიდან გარკვეული გადაცდომები ამ საქმის გამოძიებასთან დაკავშირებით, რაც, ობიექტურად რომ ვთქვათ, კომისიამ ვერ დაადგინა.

გარდა ამისა, სამწუხაროდ, აბსოლუტურად გაუმართლებლად კომისიამ დაიწყო კონკრეტული სისხლის სამართლის პასუხისმგებლობების ძიება, რაც ასევე ვერ დაადგინა. ვერ მომიყვანთ ვერცერთ ფაქტს, რომელიც დაადგინა კომისიამ და იქნება ახლად გამოვლენილი ფაქტი, რომელიც არ იყო ან ერთი გამოძიების ფარგლებში, ან მეორე გამოძიების ფარგლებში.

შეიძლება ჩვენ ბევრი ვიდავოთ, თუმცა კომისიის რეკომენდაციები რომ წაიკითხოთ, კოლეგებო, იქ თქვენ თვითონ მიხვდებით, რა ახალგამოვლენილი ფაქტორები თქვენ აღმოაჩინეთ. არ მინდა ამაზე დავა, ამაზე არ ვსაუბრობ, არ მივდივარ ამ დეტალებში. თუ გექნებათ კონკრეტული შეკითხვები, ამ კონკრეტულ შეკითხვებზე გიპასუხებთ. საკითხი არის ძალიან მარტივად, დიახ, ვადასტურებ, რომ გამოძიების პერიოდში გარკვეული საგამოძიებო მოქმედებები, რომლებიც უნდა ჩატარებულიყო, ჩემი სუბიექტური აზრით, არ იყო ჩატარებული.

თქვენ კომისიის მუშაობის ფარგლებში ვერ შეძელით, რაც იყო თქვენი მიზანი, არა სისხლის სამართლის დევნის განსაზღვრა, დაგედასტურებინათ, რომ ეს საგამოძიებო მოქმედებები, რომლებიც არ ჩატარდა, იყო განზრახულად არჩატარებული, მან იქონია ამ შედეგზე რაიმე გავლენა, თუ ვერა. ჩემი სუბიექტური აზრით, როგორც ცალკე აღებულია ადმაიანის,ეს იყო თქვენი მანდატი.

ახლა შემდგომ გავაგრძელებ.

მე, როგორც შს მინისტრი, სრულ პასუხისმგებლობას ვიღებ იმაზე, რაც მოხდა და კიდევ ერთხელ გიდასტურებთ იმას, რომ მიუხედავად იმისა, რომ დღესაც არ ვიცი, ის საგამოძიებო მოქმედებები, რომლებიც არ ჩატარდა, იყო განზრახ არჩატარებული და თუ იქონია ამან შედეგზე გავლენა თუ არ იქონია და აქედან გამომდინარე, მეც მზად ვარ, ერთმნიშვნელოვნად და ვთვლი, რომ უნდა დაიწყოს სამოხელეო გადაცდომებზე სისხლის სამართლის საქმე, პირველი მივიდე და მივცე ჩვენება. ისევე როგორც, თქვენ თქვენი მხრიდან უნდა აიღოთ ის პასუხისმგებლობები, რომელიც ჰქონდა კომისიას და რომელიც კომისიას უნდა შეესრულებინა. ჩემი ღრმა რწმენით, კომისიის ფუნქცია მდგომარეობდა სწორედ იმაში, რომ მას აშკარად დაედასტურებინა, მოხელეების მხრიდან სამოხელეო გადაცდომა იყო თუ არა, და კომისიამ ეს ფაქტობრივად ვერ დაადასტურა, სამწუხაროდ.

თქვენ მოახდინეთ საგამოძიებო კომისიის სრული დისკრედიტირება პარლამენტში, აბსოლუტური, ეს ერთი, იმიტომ რომ, ვერ მიაღწიეთ შედეგს და იმის მაგივრად, რომ მიგეღწიათ შედეგისთვის, დაიწყეთ პოლიტიკური სპეკულირება.ეს არის ჩემი პოზიცია, რომელსაც თქვენ ვერ გადამათქმევინებთ, ან მაშინ უნდა ადგეთ, თქვენთან ერთად უნდა წავიკითხო დასკვნა, თუნდაც თქვენი, თუნდაც ის, რომელმაც პარლამენტმა მიიღო, შემდგომ დავადგინოთ, რა იყო ამ დასკვნაში ახალი, ან რა იყო ფაქტობრივად დადასტურებული. და შემდგომ ვისაუბროთ ამაზე ობიექტურად“, - განაცხადა გახარიამ.