საზოგადოება

ხვალ ყინვას და თოვას ელიან

სინოპტიკოსები ხვალისთვის საქართველოში ნალექს ელოდებიან, ზოგან თოვლის სახით.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს. ზოგან მოსალოდნელია წვიმა, მაღალ მთაში კი თოვა. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +9, +14; მთაში +5, +10; მაღალ მთაში 0, +5 გრადუსი.

უმეტესად ღრუბლიანი ამინდია ნავარაუდევი აღმოსავლეთ საქართველოში. მოსალოდნელია ნალექი, ზოგან თოვლის სახით. ზოგიერთ რაიონში შესაძლებელია ძლიერი თოვა და ნისლი. იქროლებს აღმოსავლეთის ქარი 10-15 მეტრი/წამში, გორი-სურამის მონაკვეთზე ძლიერი 17-22 მეტრი/წამში. ჰაერის ტემპერატურა იქნება: დაბლობში +2, +7; მთაში +1, +6; მაღალ მთაში -3, +2 გრადუსი.

თბილისში ხვალ ღრუბლიანი ამინდი იქნება. მოსალოდნელია თოვლ-ჭყაპი და ნისლი. იქროლებს სამხრეთ-აღმოსავლეთის ქარი 8-13 მეტრი/წამში. ჰაერი კი, დედაქალაქში ხვალ +4 გრადუსი იქნება.

ნინო ექვთიმიშვილი