უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
კიდევ ერთხელ გამოიკვეთა, რომ ოკუპირებულ ტერიტორიებთან მიმართეებაში საპირისპირო მიდგომები გვაქვს-ზურაბ აბაშიძე
პრაღაში აბაშიძე-კარასინის მორიგი შეხვედრა დასრულდა.
როგორც მედიას შეხვედრის დასრულების შემდეგ, საქართველოს პრემიერის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ განუცხადა, კიდევ ერთხელ გამოიკვეთა, რომ საქართველოს ოკუპირებულ ტერიტორიებთან მიმართებაში რუსეთს და საქართველოს რადიკალურად საპირისპირო მიდგომები აქვთ.
„მე მივეცი ჩვენი შეფასება იმ ფაქტებს, რაც ამ რეგიონებში და საოკუპაციო ხაზზე ხდება. მისი რეაქცია იყო, რომ „ეს საკითხი ჟენევაში უნდა განვიხილოთ, აქ ამის ადგილი არ არის“. კიდევ ერთხელ გამოიკვეთა, რომ გვაქვს აბსოლუტურად განსხვავებული, საწინააღმდეგო, რადიკალურად საპირისპირო მიდგომები ამ ვითარებასთან დაკავშირებით. მე ვთქვი, რომ ფონი, რომელიც იქმნება ჩვენი შეხვედრისათვის, არის ძალიან უარყოფითი“,-აღნიშნა აბაშიძემ.
რაც შეეხება კითხვას, უნდა არსებობდეს თუ არა აბაშიძე-კარასინის დიალოგის ფორმატი, დიპლომატმა განმარტა, რომ დასავლელი პარტნიორების შეფასებით რუსეთთან კომუნიკაცია უნდა არსბეობდეს.
„ეს არის ქართულ-რუსული არაფორმალური დიალოგის ფორმატი. შეიძლება იყოს აბაშიძე, შეიძლება იყოს დოლიძე, იქიდანაც შეიძლება იყოს კარასინი, ან ივანოვი, ან კიდევ ვინმე სხვა. მაგრამ, კომუნიკაცია აუცილებელია. ამას ჩვენ ყოველთვის ვამოწმებთ ჩვენს დასავლელ პარტნიორებთან, თუ რას ფიქრობენ ისინი ჩვენს პოლიტიკაზე, ჩვენს მცდელობაზე, ჟენევის ფორმატზე, პრაღის ფორმატზე. მათი აზრი, მათი დამოკიდებულება არის ცალსახა - გააგრძელეთ ეს, სწორად აკეთებთ“,-განაცხადა ზურაბ აბაშიძემ.
მონიკა დავლიანიძე