მსოფლიო

ყოფილ საბჭოთა კავშირში დაბადებული რუსული ენის მცოდნე პირები მოქალაქეობას მარტივად მიიღებენ

რუსეთის სახელმწიფო სათათბიროს კომიტეტმა კანონპროექტი დაამტკიცა, რომლის მიხედვით, მოქალაქეობის მიღება მარტივდება იმ პირებისთვის, რომლებიც ყოფილ საბჭოთა კავშირში დაიბადნენ და რუსულ ენას ფლობენ.

დუმაში წარდგენილი კანონპროექტის თანახმად, სსრკ-ში დაბადებულ ყველა ადამიანს და მათ შთამომავლებს, რუსული პასპორტის გამარტივებული წესით აღება შეეძლებათ.

კანონპროექტი რუსეთის სათათბიროს დსთ-ის საქმეთა კომიტეტის თავმჯდომარის პირველმა მოადგილემ, კონსტანტინე ზატულინმა წარადგინა.

დოკუმენტი „რუსეთის ფედერაციის მოქალაქეობის შესახებ“ და „უცხოელ მოქალაქეთა სამართლებრივი სტატუსის შესახებ“ კანონებში ცვლილებების შეტანას ითვალისწინებს.

განმარტებით ბარათში აღნიშნულია, რომ საკითხი ვლადიმერ პუტინის თხოვნით მომზადდა.

მონიკა დავლიანიძე