კომენტარი

ყველა მოსამართლე მოსყიდულია და ასრულებს ხელისუფლების დავალებებს - მიხეილ სააკაშვილი

საქართველოს ექს-პრეზიდენტმა, ოდესის ოლქის ყოფილმა გუბერნატორმა მიხიელ სააკაშვილმა, ლვოვის სასამართლოს მიერ გამოტანილ გადაწყვეტილებას გამოეხმაურა.

როგორც სააკაშვილმა უკრაინული ტელეარხის ეთერში განაცხადა, უკრაინაში სასამართლო და სამართლიანობა არ არსებობს.

მისი თქმით, ქვეყანაში ყველა მოსამართლე მოსყიდულია და ასრულებს ხელისუფლების დაკვეთას.

„მთავარი ის კი არ არის, რომ მე სასამართლოში არ გამოვცხადდი. ეს არის ხელისუფლების ტაქტიკა. მათ სურთ, რომ ჩვენ გამუდმებით სასამართლოებში გვარბენინონ და სხვა საქმე არ ვაკეთოთ.

უკრინაში სასამართლო და სამართლიანობა არ არსებობს. ყველა მოსამართლე მოსყიდულია და ასრულებს ხელისუფლების დავალებებს.

ჯერ ამბობდნენ, რომ არსებობდა ევაკუაციის შესახებ ბრძანება, მერე თქვეს რომ იყო საზღვრის გარღვევა, შემდეგ იძულებულები გახდნენ ეღიარებინათ, რომ მე უკვე ვიყავი უკრაინის ტერიტირიაზე.

სად ვცხოვრობთ! ასეთი გენერლები და მოსამართლეები არიან უკრაინელი ხალხის და სახელმწიფოს მტრები. ამიტომ, მე არ დავნებდები იქამდე, ვიდრე ისინი ციხეში არ მოხვდებიან და ეს ასე იქნება. მე ამის პირობას გაძლევთ“,-თქვა სააკშვილმა.

ლვოვის სასამართლომ სააკშვილი უკრაინის საზღვრის უკანანონო გადაკვეთაში დამნაშავედ ცნო.

მონიკა დავლიანიძე