უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ლატვიის იუსტიციის მინისტრმა მედიაციის სახლი დაათვალიერა
ყოფილ პატიმართა რეაბილიტაცია და რესოციალიზაცია, პროექტები კანონთან კონფლიქტში მყოფი არასრულწლოვნებისათვის − ეს იმ თემების ნაწილია, რომლებსაც ლატვიის დელეგაცია იუსტიციის მინისტრ ძინტარს რასნაჩის ხელმძღვანელობით დღეს გაეცნო.
დანაშაულის პრევენციის ცენტრის ინფორმაციით, სტუმრები საქართველოს იუსტიციის სამინისტროს მმართველობის სფეროში მოქმედ სსიპ „დანაშაულის პრევენციის ცენტრს“ ეწვივნენ და მედიაციის სახლი დაათვალიერეს. დელეგაციას იუსტიციის მინისტრის მოადგილე მიხეილ სარჯველაძემ და სსიპ „დანაშაულის პრევენციის ცენტრის“ დირექტორმა თათია ხოჭოლავამ უმასპინძლეს.
ლატვიელი სტუმრები იუსტიციის მინისტრის ინიციატივით შექმნილი ყოფილ პატიმართა რეაბილიტაციის პროგრამით, არასრულწლოვანთა მართლმსაჯულების რეფორმის მიმდინარეობითა და არასრულწლოვანთა განრიდება-მედიაციის პროგრამით დაინტერესდნენ; განრიდება და მედიაცია ეყრდნობა აღდგენითი მართლმსაჯულების კონცეფციას, რომელიც მაქსიმალურად ითვალისწინებს დამნაშავისა და დაზარალებულის ინტერესებს, მიმართულია დანაშაულის პრევენციაზე და ზრუნავს საზოგადოების უსაფრთხოებაზე. არასრულწლოვანთა მართლმსაჯულების რეფორმა მიზნად ისახავს ბავშვზე მორგებული მართლმსაჯულების სისტემის განვითარებას საქართველოში. პროგრამის ამოქმედებიდან დღემდე 21 წლამდე ასაკის 2323 პირი განერიდა სასჯელს. სტუმრებმა განსაკუთრებული ინტერესი ყოფილ პატიმართა რეაბილიტაციის პროგრამის მიმართ გამოხატეს, რომელიც იუსტიციის მინისტრის ინიციატივით 2012 წლის ბოლოს შეიქმნა. პროგრამა ბენეფიციარს სხვადასხვა სერვისს სთავაზობს, რომლის მიზანი სახელმწიფოს მხრიდან ყოფილ პატიმართა რეაბილიტაციის ხელშეწყობაა. პროგრამით 2 ათასამდე ბენეფიციარმა ისარგებლა.
შეხვედრის დასასრულს ლატვიის დელეგაციამ მედიაციის სახლში გამოფენილი მიუსაფარი მოზარდების მიერ გადაღებული ფოტოები დაათვალიერა. ფოტოგამოფენამ სტუმრებში დიდი მოწონება დაიმსახურა და იუსტიციის მინისტრ ძინტარს რასნაჩის ერთ-ერთი ფოტო საჩუქრად გადაეცა.
ლატვიის დელეგაცია საქართველოს იუსტიციის სამინისტროს 21 სექტემბერს ესტუმრა. დელეგაციის წევრებს შორის არიან ლატვიის აღმასრულებელი, საკანონმდებლო და სასამართლო სტრუქტურების წარმომადგენლები. სტუმრებმა პირველი შეხვედრა იუსტიციის მინისტრის პირველ მოადგილესთან ალექსანდრე ბარამიძესთან გუშინ გამართეს და ისაუბრეს თემებზე - კანონის უზენაესობა და ადამიანის უფლებების დაცვა ევროპული დემოკრატიის მშენებლობისათვის; მართლმსაჯულების რეფორმის სამი ტალღა სასამართლო სისტემის გასაუმჯობესებლად; სპეციალიზებული კომერციული და საგადასახადო პალატები სასამართლოში ბიზნესის ხელშესაწყობად და სასამართლოს განსატვირთად; ანტიკორუფციული პოლიტიკა და გამჭვირვალე მმართველობის სისტემის ფორმირებისათვის გატარებული რეფორმები, რომლებმაც საქართველოს საერთაშორისო აღიარება მოუტანა და რომელთა შედეგად საქართველო „ღია მმართველობის პარტნიორობის“ თავმჯდომარე ქვეყანა გახდა. იუსტიციის მინისტრის პირველმა მოადგილემ სტუმრებს ძირითადი პრიორიტეტები გააცნო, რომელიც ქვეყანას „OGP“-ის თავმჯდომარეობის პერიოდში ექნება.
ლატვიის დელეგაცია საქართველოს დღესვე დატოვებს.